Filozoos
| Filozoa | |||||||||
|---|---|---|---|---|---|---|---|---|---|
 Ao fondo, a esponxa Agelas clathrodes. En primeiro plano os corais Iciligorgia schrammi e Plexaurella nutans. | |||||||||
| Clasificación científica | |||||||||
| |||||||||
| Reinos e clases | |||||||||
Os filozoos (Filozoa) son unha agrupación monofilética dentro do grupo Opisthokonta de seres vivos. Comprenden os animais xunto cos seus parentes unicelulares máis próximos (que son os organismos máis estreitamente relacionados cos animais que cos fungos ou Mesomycetozoa).[1]
Actualmente asígnanse tres grupos ao clado Filozoa, que son:
- Clase Filasterea – establecida recentemente para albergar os xéneros Ministeria e Capsaspora
- Clase Choanoflagellatea – flaxelados con "colar"
- Reino Animalia ou Metazoa – animais.
Cladograma
[editar | editar a fonte]| Opisthokonta |
| ||||||||||||||||||||||||||||||
Características
[editar | editar a fonte]Asúmese que a célula opistoconta ancestral posuía unha proxeccións delgadas filosas ou "tentáculos". Nalgúns opistocontos (Mesomycetozoa e Corallochytrium) estas proxeccións perdéronse. Os Filozoa mantivéronas, e neles son simples e non se adelgazan cara ao extremo, e presentan un núcleo ríxido de feixes de actina (o que os diferencia dos filopodios flexibles, adelgazados cara ao extremo e ramificados dos nucleáriidos e dos rizoides ramificados e hifas dos fungos). Nos coanoflaxelados e nos animais máis primitivos, principalmente as esponxas, agréganse nun colar no que filtran o alimento situado arredor do cilio ou flaxelo; e isto crese que é un carácter herdado do seu antepasado filozoo común máis recente.[1]
Notas
[editar | editar a fonte]- ↑ 1,0 1,1 Shalchian-Tabrizi K., Minge M.A., Espelund M.; et al. (2008). Aramayo, Rodolfo, ed. "Multigene phylogeny of choanozoa and the origin of animals". PLoS ONE 3 (5): e2098. PMC 2346548. PMID 18461162. doi:10.1371/journal.pone.0002098.
