Na Galipedia, a Wikipedia en galego.
Escala de salmóns do encoro do Pé da Viña no río Eo.
O encoro de Pé da Viña foi construído no 1907,[1] no río Eo, entre as comunidades de Asturias (concello de Santiso de Abres) e Galicia (concello de Trabada). Recibe o seu nome do lugar do Pé da Viña, da parroquia de Vilaformán, e alimenta a central hidroeléctrica de Pé da Viña.
Central eléctrica do Pé da Viña.
En maio de 2022, co encoro e central pertencendo a ENEL Green Power España, a Audiencia Nacional ordenou derribar as instalacións, despois de que o Ministerio para a Transición Ecolóxica o decidise en xuño de 2019.[2][1] A decisión vén argumentada por quedar 'acreditados os motivos de protección medioambiental que aconsellan a demolición das instalacións e a súa adecuación paisaxística'.[2] As instalacións están nun LIC dentro da Reserva da Biosfera río Eo, Ozcos e Terras de Burón, ó pé da Ruta da antiga vía do ferrocarril Vilaoudriz - Ribadeo.
- ↑ 1,0 1,1 "Exigimos la demolición inmediata de Pé da Viña". La Comarca del Eo. 14/5/2022.
- ↑ 2,0 2,1 "La Audiencia ordena demoler la presa de Pé da Viña en el Eo". La Comarca del Eo. 14/04/2022.
