Caimán

Este artigo trata sobre a subfamilia dos caimaninos (os caimáns). Para información sobre o xénero homónimo véxase: Caiman.

Caimaninae Rango fósil: 60 Ma-0 Ma PreЄ Є O S D C P T J K Pg N Paleoceno—Actual (desde hai 60 millóns de anos)
Caiman yacare
Clasificación científica
Reino: Animalia Filo: Chordata Clase: Reptilia Orde: Crocodilia Familia: Alligatoridae Subfamilia: Caimaninae
Especie tipo
Caiman latirostris Daudincrrefwad, 1825
Xéneros e especies
Ver texto

Os caimáns son os réptiles crocodilianos pertencentes á subfamilia Caimaninae (caimaninos), que consta de tres xéneros e seis especies vivas, e é unha das dúas liñaxes primarias da familia Alligatoridae; a outra é a dos aligátores.

Descrición

Os caimáns viven en Centroamérica e Suramérica en marismas, pantanos, mangleirais, ríos e lagos. Teñen unha pel escamosa e unha vida principalmente nocturna.

Son de tamaño relativamente pequeno, a maioría das especies miden entre 2 e 2,5 metros de longo de media, cun peso medio entre 6 e 40 kg dependendo das especies, coa excepción do Melanosuchus niger, que pode crecer ata os 5 m de lonxitude e pesar ata 1 100 kg, polo que é a especie de caimán máis grande do mundo e encóntrase nos ríos de correntes lentas e lagos que rodean a cunca do Amazonas. A especie menor é o Paleosuchus palpebrosus, que crece ata os 1,2 a 1,5 m.

Os caimáns distínguense dos aligátores, os seus parentes máis próximos, por unhas poucas características: a carencia de septo óseo entre as ventas dos fociños, teren unha armadura ventral composta por escudos óseos solapados formados por dúas partes unidas por unha sutura, e teren dentes relativamente máis longos e máis delgados que os dos aligátores. Os remaches de calcio das súas escamas fan a súa pel máis rexa que a dos aligátores e crocodilos, polo que a súa pel é menos valiosa para o comercio, aínda que ambas teñen a mesma aparencia, as dos caimáns son menos flexibles. Coñécense varias formas extintas, como Purussaurus, un xénero xigante do Mioceno que medraba ata os 12 m e o igualmente grande Mourasuchus, que tiña un ancho morro parecido ao dun pato.

Comportamento

O Caiman crocodilus

Os caimáns son predadores e, como os aligátores e crocodilos, os caimáns teñen unha dieta que consiste en gran parte de peixes. Tamén cazan insectos (especialmente as crías), aves e pequenos mamíferos e réptiles.

Debido ao seu tamaño e natureza feroz, teñen poucos predadores naturais no seu medio ambiente. Os humanos son os seus principais predadores, xa que se cazan pola súa carne e pel. Os xaguares son o outro único predador dos caimáns.

Os caimáns femias constrúen un gran niño de ata 1,5 m de ancho, no cal poñen de 10 a 50 ovos, que eclosionan nunhas 6 semanas. Unha vez que eclosionan a nai leva as crías a unha poza onde aprenden a cazar e nadar.

Caiman latirostris

Caiman yacare

Taxonomía

Melanosuchus niger

Paleosuchus palpebrosus

Paleosuchus trigonatus

Existen 6 especies vivas de caimáns (ver as imaxes), clasificadas en tres xéneros: Caiman (3 especies), Paleosuchus (2 especies) e Melanosuchus (1 especie). Ademais coñécense moitas especies extinguidas.

• Subfamilia Caimaninae
  • Xénero †Centenariosuchus
  • Xénero †Culebrasuchus
  • Xénero †Eocaiman
  • Xénero †Globidentosuchus
  • Xénero Paleosuchus
    • P. palpebrosus
    • P. trigonatus
  • Xénero †Purussaurus
  • Xénero †Mourasuchus
  • Xénero †Necrosuchus
  • Xénero †Orthogenysuchus
  • Xénero †Tsoabichi
  • Clado Jacarea
    • Xénero Caiman
      • C. yacare
      • C. crocodilus
        • C. c. apaporiensis
        • C. c. fuscus
      • †C. lutescens
      • †C. venezuelensis
      • C. latirostris
    • Xénero Melanosuchus
      • †M. fisheri
      • M. niger

Filoxenia

Velaquí un cladograma modificado de Brochu (2011).

Alligatoridae

Alligatorinae    Caimaninae    †Eocaiman cavernensis       †Necrosuchus ionensis     †Tsoabichi greenriverensis       Paleosuchus palpebrosus     Paleosuchus trigonatus         †Mourasuchus     †Orthogenysuchus olseni       †Purussaurus mirandai     †Purussaurus neivensis        Jacarea      Caiman crocodilus     Caiman yacare         Caiman latirostris     UCMP 39978 (referido a Caiman lutescens)       †Melanosuchus fisheri     Melanosuchus niger

Estoutro é un cladograma modificado de Hastings et al. (2013).

†Stangerochampsa mccabei       †Brachychampsa montana     †Brachychampsa sealeyi      Alligatoridae    Alligatorinae    Caimaninae    †Culebrasuchus mesoamericanus       †Eocaiman cavernensis       †Tsoabichi greenriverensis         Paleosuchus palpebrosus     Paleosuchus trigonatus           †Centenariosuchus gilmorei       †Purussaurus neivensis       †Mourasuchus     †Orthogenysuchus olseni               Caiman crocodilus     Caiman yacare         Caiman latirostris     †Caiman lutescens       †Melanosuchus fisheri     Melanosuchus niger