Berria
Berria (en éuscaro Nova) é un xornal de información xeral de pago, e distribución matinal editado en lingua éuscara.
Historia e características
[editar | editar a fonte]Foi fundado no 2003 para ocupar o baleiro de Euskaldunon Egunkaria, clausurado por decisión xudicial, publicando a súa primeira edición o 21 de xuño do 2003.
Edítao a empresa Euskal Komunikabideen Elkartea. Ten a súa sede social e rotativa na localidade guipuscoana de Andoain, e véndese en todos os territorios de ámbito lingüístico vasco. Dispón de delegacións en Bilbao, Pamplona, Vitoria e Baiona. É membro de MIDAS (Minority Dailies Association).
O seu director é Martxelo Otamendi.
