Babe Zaharias

Babe Zaharias
	;
Nome orixinal	(en) Babe Didrikson Zaharias
Biografía
Nacemento	(en) Mildred Ella Didrikson ; 26 de xuño de 1911 ; Port Arthur, Estados Unidos de América (pt)
Morte	27 de setembro de 1956 (45 anos); Galveston, Estados Unidos de América (pt)
Causa da morte	Cancro colorrectal
Lugar de sepultura	Forest Lawn Memorial Park (en) ; Beaumont (pt)
Datos persoais
País de nacionalidade	Estados Unidos de América
Educación	Beaumont High School (en)
Altura	169 cm
Peso	62 kg
Actividade
Ocupación	baloncestista , beisbolista , nadadora , saltadora , tenista , autobiógrafa , golfista , lanzadora de xavelina , saltadora de altura
Lingua	Lingua inglesa
Nacionalidade deportiva	Estados Unidos de América
Deporte	golf ; natación ; atletismo ; Salto ornamental
Disciplina deportiva	Lanzamento de xavelina ; salto de altura
Participou en
1932	Atletismo nos Jogos Olímpicos de Verão de 1932 - 80 m com barreiras feminino (pt) (1ª) (medalla de ouro olímpica)
1932	Atletismo nos Jogos Olímpicos de Verão de 1932 - Lançamento de dardo feminino (pt) (1ª) (medalla de ouro olímpica)
1932	Atletismo nos Jogos Olímpicos de Verão de 1932 - Salto em altura feminino (pt) (2ª) (medalla de prata olímpica)
1932	Xogos Olímpicos de 1932 (medalla de ouro olímpica)
Familia
Cónxuxe	George Zaharias
	Premios (2008) Colorado Women's Hall of Fame (en) ; (1976) National Women's Hall of Fame; (1974) Hall da Fama do Golfe Mundial (pt) ; (1954) Atleta do ano pola Prensa Asociada; (1950) Atleta do ano pola Prensa Asociada; (1947) Atleta do ano pola Prensa Asociada; (1946) Atleta do ano pola Prensa Asociada; (1945) Atleta do ano pola Prensa Asociada; (1932) Atleta do ano pola Prensa Asociada ;

Mildred Ella Didriksen "Babe" Zaharias, nada en Port Arthur (Texas) o 26 de xuño de 1911 e finada en Galveston (Texas) o 27 de setembro de 1956, foi unha deportista estadounidense, considerada unha das atletas máis polivalentes da historia. Destacou en disciplinas deportivas como o golf, o baloncesto, o béisbol ou o atletismo. De nova xogou no equipo masculino de béisbol dos Brooklyn Dodgers, onde recibiu o alcume de "Babe".

Traxectoria

Con 21 anos, participou nos Xogos Olímpicos de 1932 nos Ánxeles, e aínda que Mildred pretendeu participar en cinco disciplinas de atletismo, seguindo os regramentos, só puido tomar parte en tres, polo que finalmente competiu en lanzamento de xavelina, 80 metros valla e salto de altura. Nas tres categorías conseguiu medalla: foi ouro nas categorías de xavelina e 80 metros valla (nesta categoría ademais bateu o récord mundial) e prata nunha controvertida final de salto de altura, xa que obtivo a mesma marca que a súa compañeira Jean Shiley, mais os xuíces decidiron outorgarlle a medalla de ouro a Shiley, relegando a Didriksen a subcampioa.

Buscando novos desafíos, en 1935 atopou o golf. Pouco despois puido medirse cos mellores golfistas do país. En 1938 competiu no Aberto dos Ánxeles, un torneo masculino de golf, sendo o seu adestrador George Zaharias, un coñecido loitador profesional e promotor deportivo, co que Didriksen casaría en decembro dese mesmo ano; e converteuse en, até o momento, a única muller que superou o corte nun torneo de golf profesional no que competisen homes. En 1942 conseguiu o status de xogadora afeccionada e alcanzou o rango de profesional en 1947. Como profesional gañou tres veces o Aberto dos Estados Unidos feminino e foi a primeira golfista estadounidense que venceu no campionato británico de afeccionados na localidade escocesa de Gullane. Zaharias foi inscrita en 1951 no Salón da Fama do Golf Mundial. En 1956 gañou por última vez o Aberto dos Estados Unidos e pouco despois faleceu de cancro.

Véxase tamén

Bibliografía

Cayleff, Susan E. (1996). Babe: The Life and Legend of Babe Didrikson Zaharias. University of Illinois Press. ISBN 978-0-252-06593-4.
Klawans, Harold L. (1996). 'Why Michael Couldn't Hit and Other Tales of the Neurology of Sports. W.H. Freeman & Company. ISBN 978-0-7167-3001-9.
Van Natta Jr., Don (2011). Wonder Girl: The Magnificent Sporting Life of Babe Didrikson Zaharias. Little, Brown and Company. ISBN 978-0-316-05699-1.
Zaharias, Babe Didrikson (1955). This Life I've Led: My Autobiography. New York A.S Barns & Co. ASIN B0018EAHXW.