.357 Magnum

O .357 Magnum é un calibre para revólver, creado pola empresa de armas Smith&Wesson en 1934 e baseado nun anterior, o .38 Special. Desde a súa creación difundiuse amplamente o seu uso.

A diferenza entre unha bala disparada do .38 e outra de .357 (malia a diferenza do nome miden o mesmo) é que, mentres a .38 viaxa a 250 m/s, a Magnum faino 400, co drástico aumento de poder de detención e capacidade de perforación que iso implica.

Deseño

Este calibre foi deseñado para a policía, a autodefensa e a cacería. O obxectivo da súa creación foi facer unha bala de profunda penetración, traxectoria plana, e longo alcance efectivo.

É excelente para a autodefensa polo seu alto poder de parada, que pode deter dun disparo animais superiores en tamaño ó home. Mesmo pode matar a un cervo dun disparo certeiro a curta distancia.

Outra vantaxe dos revólveres .357 Magnum é a posibilidade de usar cartuchos .38 Special, porque as balas e vainas dos dous calibres son do mesmo diámetro. Porén, os revólveres deseñados para o calibre .38 special non poden utilizar o .357 Magnum, debido ás menores dimensións do barrilete. Malia todo, a súa potencia é inferior ó resto dos calibres Magnum, como o .41 Magnum, .44 Magnum e .454 Casull.

Este calibre iniciou a era das municións para pistola con balas de alta velocidade.

O calibre .357 Magnum non debe confundirse co .357 SIG, deseñado para as pistolas semiatumáticas e de menor potencia que o Magnum.

Balística

A bala pesa 8.1 g, ten camisa HP, velocidade inicial de 440 m/s e potencia inicial de 790 J.

Pero tamén existe outra versión deste calibre cunha bala de 10,2 g, tamén de camisa HP, velocidade inicial de 375 m/s e potencia inicial de 725 J.

Sinónimos

.357
.357 Mag.
.357 S&W Magnum
.357 Mangle'em (modismo estadounidense)
9x33mmR (nomenclatura europea)

Véxase tamén

Ligazóns externas

Guía de recoñecemento de armas de Nazarian's Gun's Arquivado 28 de setembro de 2007 en Wayback Machine. (en inglés)
357 Magnum en uso (en inglés)