IFEVI
O Instituto Feiral de Vigo (IFEVI) é un complexo multifuncional utilizado para todo tipo de celebracións; concertos, eventos deportivos, feiras internacionais, nacionais ou locais, competicións, conferencias, convencións, etc.
Dispón de 3 pavillóns, 5 salas de reunións, dous recibidores, unha sala de xuntas cun aforo máximo de 30 persoas, un auditorio con 506 butacas, unha cafetaría, un autoservizo, un restaurante e un aparcadoiro con capacidade para 2.200 vehículos.
Está ubicado en Cotogrande, nos arrabaldes de Vigo, a 300 metros do Aeroporto de Peinador. Dispón dunha saída directa dende a Autoestrada do Atlántico AP-9.
Acontecementos máis significativos
- Motorocasión: Salón do automóbil usado e de ocasión de Vigo.
- Navalia: Feira internacional da industria naval.
- Conxemar: Feira internacional dos produtos do mar conxelados.
- Vigoferia: Multisectorial, salón do moble, decoración e interiorismo.
- Vigobodas: A feira dos noivos.
- Vigolandia: Lecer infantil e familiar.