Ajofrín

Ajofrín
Localización
	39°42′45″N 3°58′55″O / 39.7125, -3.9819444444444
Estado	España
Comunidade autónoma	Castela-A Mancha
Provincia	provincia de Toledo
Capital	Ajofrín
Poboación
Poboación	2.340 (2023) (66,86 hab./km²)
Xeografía
Parte de	Mancomunidade de Augas do Río Algodor
Superficie	35 km²
Altitude	770 m
Comparte fronteira con	Burguillos de Toledo (pt) ; Nambroca (pt) ; Orgaz (pt) ; Mazarambroz (pt) ; Chueca (pt) ; Layos (pt) ; Sonseca (pt)
Organización política
• Alcalde	Miguel Gallardo Sánchez-Barbudo
Identificador descritivo
Código postal	45110
Fuso horario	UTC+01:00
Código INE	45001

A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.

Ajofrín é unha poboación española da provincia de Toledo en Castela-A Mancha.

Toponimia

"Ajofrín" derivou do patronímico árabe Al-Ya'far, 'o lugar dos Yafar ou Jafar'.^[1]

Xeografía

O municipio sitúase sobre unha chaira ao norte do arco máis setentrional dos Montes de Toledo, nunha planicie de granito da meseta toledana, escasamente alterada por algún cerro. Linda coas poboacións de Burguillos de Toledo, Nambroca, Chueca, Sonseca, Mazarambroz e Layos, todas de Toledo. A súa situación na estrada xeral N-401 (Toledo-Cidade Real) manteno ben comunicado.

O seu clima é claramente continental con oscilacións anuais de temperaturas moi altas, precipitacións escasas e nevadas non moi frecuentes.

Demografía

Os diversos censos de poboación amosan un lixeiro pero constante descenso demográfico desde principios do século XX até 1981. En 1900 había 2.208 habitantes; en 1930, 2.278 habitantes; en 1960, 2.088 habitantes; en 1970, 2.002 habitantes e en 1981, 1.871 habitantes.

Historia

A existencia dunhas termas romanas indican a súa existencia na época do Imperio romano. No século XV pertencía ao cabido da Igrexa de Toledo, recibindo por entón o título de vila.

Na denominada serra de Layos houbo unha mina de cobre, abandonada xa a mediados do século XVIII, que non deu moito rendemento.

Economía

A industria é fundamentalmente agrícola. Está cultivado máis do 60% do territorio, nun acusado réxime latifundista, con predominio de explotadores arrendatarios. A parte dunhas 55 ha de viñedo e dalgunhas de remolacha azucreira (cultivo en auxe), destacan as extensións de oliveiras, de bos rendementos, como tamén de creais. O rego realízase só a base de auga dalgúns pozos. Apenas destacan algunhas industrias artesanais, de ámbito local.

Cultura

Patrimonio

Os monumentos destacables son a ermida de Xesús Nazareno do século XII, a Casa Grande do século XV, a Picota da Xustiza e a ermida de San Andrés, ambas do século XVI, a casa de Jacinto Guerrero, convertida en museo, e a igrexa de Santa María Magdalena, do século XV.

Festas e celebracións

Martes de abril seguinte ao domingo de resurrección: romaría Alimán.
Primeiro domingo de maio: festa na honra da Virxe de Gracia.
Martes seguinte ao primeiro domingo de maio: romaría dos Catro Camiños.
Domingo seguinte a San Agustín: festas patronais da Virxe de Gracia.

Política e goberno

Alcaldes desde as eleccións de 1979
Lexislatura	Nome	Partido
1979-1983	Miguel Gallardo Sánchez-Barbudo	UCD
1983-1987	Miguel Gallardo Sánchez-Barbudo	AP/PDP/UL
1987-1991	Miguel Gallardo Sánchez-Barbudo	PP
1991-1995	Miguel Gallardo Sánchez-Barbudo	PP
1995-1999	Miguel Gallardo Sánchez-Barbudo	PP
1999-2003	Pedro Alguacil Ruiz	PSOE
2003-2007	Pedro Alguacil Ruiz	PSOE
2007-2011	Pedro Alguacil Ruiz	PSOE
2011-2015	Miguel Gallardo Sánchez-Barbudo	PP
2015-2019	María Isabel Alguacil de La Peña	PSOE
2019-2023	n/d	n/d
2023-	n/d	n/d

Notas

↑ Jairo Javier García Sánchez, Toponimia mayor de la provincia de Toledo (zonas central y oriental), Toledo, 2004, Instituto provincial de investigaciones y estudios toledanos, páx. 85, ISBN 84-95432-05-6.

Véxase tamén

Ligazóns externas

Deputación de Toledo. Datos do Concello. (en castelán)

[Toponimia-1] Jairo Javier García Sánchez, Toponimia mayor de la provincia de Toledo (zonas central y oriental), Toledo, 2004, Instituto provincial de investigaciones y estudios toledanos, páx. 85, ISBN 84-95432-05-6.

[1]