Localizada na marxe norte da foz do río Ave, Vila do Conde é un importante centro industrial, porto de pesca e zona balnearia e turística, e configura un dos principais e máis procurados centros de balneario de Portugal. A cidade fai parte do mesmo aglomerado urbano que a Póvoa de Varzim.
A rúa da Igrexa, centro histórico de Vila do Conde.
A poboación de Vila do Conde é moi antiga, anterior á fundación de Portugal, e o seu topónimo non sufriu alteracións; dende sempre foi Vila do Conde. A primeira referencia a Vila do Conde é do ano de 953 da era actual no libro da condesa Mumadona Dias, onde é referida como Villa de Comite.
Manuel I de Portugal concedeulle eido foral en 1516 e a poboación da vila participa activamente nos descubrimentos portugueses, entre eles Paulo e Francisco Faria na viaxe de Vasco da Gama á India. A praza Nova, hoxe praza Vasco da Gama, abriuse en 1538, no reinado de Xoán III de Portugal, onde se edificaron novos edificios para os pazos do Concello. No século XIX, as invasións francesas causarán grandes danos á poboación. En 1987 é elevada á categoría de cidade.
Mosteiro de Santa Clara.
Igrexa matriz de Vila do Conde.
Detalle do portal manuelino da igrexa matriz de Vila do Conde.
Interior da igrexa matriz de Vila do Conde.
Igrexa de Santa Clara.
Acueduto de Vila do Conde.
Capela de Nosa Señora do Socorro e zona ribeirá de Vila do Conde.
Zona ribeirá observada a partir do miradoiro do Mosteiro de Santa Clara.
Foz do río Ave.
Forte de San Xoán Bautista.
Nao quiñentista no río Ave.
Monólito de Vila do Conde.
Monumento aos Liberais.
Capela no centro histórico de Vila do Conde.
