Anfernee Hardaway

Cadro de medallas
Xogos Olímpicos

Anfernee Hardaway
	;
Biografía
Nacemento	18 de xullo de 1971 (53 anos); Memphis, Estados Unidos de América
Educación	University of Memphis (en)
Altura	201 cm
Peso	100 kg
Actividade
Ocupación	baloncestista, adestrador de baloncesto
Período de actividade	1993 - 2007
Membro de	Kappa Alpha Psi (en)
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala, Base e Escolta
Convocado por	Golden State Warriors
–
Traxectoria
Participou en
1996	Xogos Olímpicos de 1996
Familia
Fillos	Jayden Hardaway
Premios
	(1997) Equipo All-NBA; (1996) Equipo All-NBA; (1995) Equipo All-NBA; (1994) equipo All-Rookie da NBA; (1993) All-District Team; (1993) All-District Team; (1993) Great Midwest Conference Men's Basketball Player of the Year (en) ; (1992) Great Midwest Conference Men's Basketball Player of the Year (en) ; 1993 NCAA Men's Basketball All-Americans (en) ;
Páxina web	pennyhardaway.net

Anfernee Deon "Penny" Hardaway, nado o 18 de xullo de 1971 en Memphis, Tennessee, é un ex xogador profesional de baloncesto estadounidense da National Basketball Association (NBA). Con 2,01 metros de altura podía xogar tanto de base, coma escolta ou aleiro.

Os seus anos máis produtivos foron durante a súa época en Orlando Magic, e algún momento de brillantez en Phoenix Suns. Con todo, as lesións marcaron a carreira deste xogador, cortando unha traxectoria que prometía levalo a ser un dos mellores da historia. O seu alcume, Penny (penique), púxollo a súa avoa, que sempre dicía que era "pretty as a penny" (bonito como un penique). O seu último equipo foi Miami Heat da NBA, que abandonou o 12 de decembro de 2007.

Traxectoria deportiva

Universidade

Disputou dous anos na Universidade de Memphis, onde fixo 20 puntos, 7,7 rebotes e 5,9 asistencias por partido.

Profesional

Foi elixido no Draft da NBA de 1993 por Golden State Warriors no posto número 3, pero foi inmediatamente traspasado aos Orlando Magic a cambio de Chris Webber. Inmediatamente causou impacto na liga, gañando o MVP no partido de rookies do All-Star Weekend e sendo elixido no mellor quinteto de novatos dese mesmo ano. Neses primeiros anos xogou xunto á grande estrela Shaquille O'Neal, levando xuntos ao equipo á final da NBA de 1995, onde caeron ante os Houston Rockets. En 1996 foi elixido para participar coa súa selección nos Xogos Olímpicos de Atlanta, onde gañaron a medalla de ouro.

Disputou seis tempadas no equipo de Florida, até ser traspasado a Phoenix Suns. Alí comezou o seu particular calvario, ao perderse case por completo a tempada de 2000-2001 por unha lesión de xeonllo. A finais de 2003, e tras catro tempadas e media en Arizona, foi traspasado aos New York Knicks, onde unha nova lesión mantenlle de momento apartado da liga. En agosto de 2007 asinou como axente libre con Miami Heat.^[1] O 12 de decembro de 2007 foi cortado polo equipo para fichar a Luke Jackson.

Equipos

Logros persoais

Campión Olímpico en Atlanta 1996.
Elixido no mellor quinteto de rookies en 1994.
Catro veces All Star.
Elixido en dúas ocasións no mellor quinteto da liga.

Notas

↑ "HEAT Sign Anfernee Hardaway". Miami Heat (en inglés). Consultado o 2020-01-08.

Véxase tamén

Ligazóns externas

Sitio web oficial de Penny Hardaway
Perfil histórico en nba.com
Estatísticas de Penny Hardaway Arquivado 08 de xuño de 2008 en Wayback Machine.
Vídeo cos seus momentos máis destacados

[1] "HEAT Sign Anfernee Hardaway". Miami Heat (en inglés). Consultado o 2020-01-08.

[1]