Mar Tirreno

Mar Tirreno
Tipo	mar
Parte de	Mediterráneo occidental
Localización
País da cunca	Francia e Italia
División administrativa	Italia
	40°N 12°L / 40, 12
Conca hidrográfica	Tyrrhenian Sea basin (en)
Características
Profundidade	máximo: 3.785 m; media: 2.000 m
Superficie	275.000 km²

O mar Tirreno (italiano: Mar Tirreno , francés: Mer Tyrrhénienne [mɛʁ tiʁenjɛn], sardo: Mare Tirrenu, corso: Mari Tirrenu, siciliano: Mari Tirrenu, napolitano: Mare Tirreno) forma parte do mar Mediterráneo que baña o oeste da costa de Italia. É chamado así nomeado polos pobos tirrenos, identificados desde o século VI aC cos etruscos de Italia.

Xeografía

O mar está rodeado polas illas de Córsega e Sardeña (ao oeste), a península italiana (rexións de Toscana, o Lacio, Campania, Basilicata e Calabria, no leste) e pola illa de Sicilia (ao sur).^[1] O mar Tirreno tamén inclúe unha serie de pequenas illas como Capri, Elba e Ustica.^[2]

Costa de Amalfi, Positano

Orosei, Sardeña

A profundidade máxima do mar é de 3.785 m.

O Mar Tirreno está situado preto de onde se atopan as placas africana e eurasiática, polo tanto, as cadeas de montañas e as illa teñen os volcáns activos, como o Monte Marsili, nas súas profundidades ou como o da illa de Stromboli. As oito illas eólicas e Ustica están situadas na parte sur do mar, ao norte de Sicilia. Os ventos predominantes son o Mistral, procedente do val do Ródano, Libeccio do suroeste, e Siroco (Scirocco) e Ostro dende o sur.

Extensión

A Organización Hidrográfica Internacional define os límites do Mar Tirreno como segue:^[3]

No estreito de Messina: unha liña que une o extremo norte do Cabo Paci (15°42′ E) co extremo leste da illa de Sicilia, Cabo Peloro (38°16′ N) .
No suroeste: unha liña que discorre desde o cabo Lilibeo (extremo occidental de Sicilia) ata o extremo sur do Cabo Teulada (8°38′ E) en Sardeña.
No estreito de Bonifacio: liña que une o extremo oeste do Cabo Testa (41°14′ N) en Sardeña co extremo suroeste do Cabo Feno (41°23′ N) en Córsega.
No norte: unha liña que se une a Cabo de Córsega (Cabo Grosso, 9°23′ E) en Córsega, coa illa Tinetto (44°01′N 9°51′L / 44.017, -9.850) e desde alí polas illas de Tino e Palmarias cara a punta San Pietro (44°03′N 9°50′L / 44.050, -9.833) na costa de Italia.

Nome

O seu nome deriva do nome grego para os Etruscos, que se dixo que eran emigrantes de Lidia e liderados polo príncipe Tyrrhenus.^[4] Os etruscos instaláronse ao longo da costa da Toscana moderna e referíronse á auga como o "mar dos etruscos".