Ladislau I de Hungría
Ladislau I,[2] en húngaro: 'László'; nado o 27 de xuño de 1040 e finado o 29 de xullo de 1095, foi rei de Hungría de 1077 até a súa morte. Fillo de Bela I de Hungría e dunha princesa polaca, naceu en Polonia, onde o seu pai se refuxiara, polo que foi bautizado cun nome eslavo.
| San Ladislau de Hungría | |
|---|---|
 | |
| Rei de Hungría; Confesor | |
| Nacemento | Reino de Polonia 27 de xuño de 1040 |
| Morte | Neutra (actual Nitra, Eslovaquia), no Reino de Hungría[1] 29 de xullo de 1095 (55 anos) |
| Venerado por | Igrexa Católica |
| Templos | Abadía de Somogyvár |
| Festa litúrxica | 27 de xuño |
| Atribucións | Arquitectura |
| Canonización | |
| Data | 27 de xuño de 1192, Roma, Estados Papais |
Ladislau foi canonizado pola Igrexa como San Ladislau, en húngaro: 'Szent László'.
Traxectoria
editarLadislau sucedeu ao seu irmán Geza I despois da súa morte en 1077. Pasou á historia como un dos responsables do fortalecemento do Reino de Hungría mediante a oficialización do cristianismo no país, aliándose co papado contra o emperador do Sacro Imperio Romano Xermánico, colonizando a Transilvania e o Baixo Danubio, por levar o Siculo a territorio húngaro e loitar contra os pechenegos e os cumanos.
Ladislau I casou con Adelaida, filla de Rodolfo de Suabia e da súa segunda esposa, Adelaida de Turín. Tiveron polo menos 1 filla:
- Piroska, que casou co emperador Xoán II Comneno.
Á súa morte, en 1095, sucedeuno Colomano, fillo de Geza I.
Na literatura
editarDurante a Idade Media, Hungría xunto coa Península Itálica e o Sacro Imperio Romano Xermánico foi unha das terras das que máis xente partiu para Santiago de Compostela, sendo coñecido o culto ao apóstolo desde principios do século XII, e atopáronse paralelismos entre a figura do Santiago Matamouros e o culto ao rei Santo Ladislau I.
Floris Holik sinalou a sorprendente analoxía entre os poemas de Santiago e San Ladislau, engadindo estes últimos puideron ser froito da imitación consciente dos cantos na honra do apóstolo, o que facilitaría a memorización dos peregrinos. Sándor Bálint tamén destacou que ambos os santos son personaxes que loitan contra os "infieis", o que podería levar á súa eventual asociación posterior.[3]
Notas
editar- ↑ Encyclopedia, Catholic (1913). "St. Ladislaus".
- ↑ academia.gal (ed.). "Nome Ladislau na RAG". Consultado o 30 de xaneiro de 2023.
- ↑ Anderle, Ádám (2007). Hungría y España: relaciones milenarias. Szeeged: Szegedi Egyetemi Kiadó.
Véxase tamén
editarWikimedia Commons ten máis contidos multimedia na categoría: Ladislau I de Hungría  |
Outros artigos
editar
| Predecesor: Geza I |
Rei de Hungría 1077 a 1095 |
Sucesor: Colomano |
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |