Dardanelos

Dardanelos
	(tr) Çanakkale Boğazı; (el) Δαρδανέλλια; (grc) Ἑλλήσποντος
Tipo	estreito
Epónimo	Hele (pt) e Dardania
Parte de	Mar de Mármara; Mar Negro
Localización
División administrativa	Provincia de Çanakkale, Turquía
	40°12′N 26°24′L / 40.2, 26.4
Afluentes	Karamenderes River (en)
Características
Profundidade	82 m
Dimensións	61 () km ;
Área importante para as aves
Identificador	çanakkale-strait-iba-türkiye

Dardanelos (turco: Çanakkale Boğazı; grego: Δαρδανέλλια), antigamente Helesponto, é un estreito no noroeste da Turquía que liga o mar Exeo ao mar de Mármara. O seu nome provén de Dradania, unha antiga cidade frixia enclavada na beira asiática do estreito. Mide uns 71 km de lonxitude, cun ancho que varía dos 1.600 m aos 6.500 m, e ten unha profundidade media duns 50 m.

Os Dardanelos, que separan os Balcáns, ao longo península de Gallípoli, de Asia Menor.

Localización do estreito dos Dardanelos.

Ao igual que o estreito de Bósforo separa Europa (neste caso, a península de Gallipoli) de Asia. A maior cidade próxima ao estreito é Canakkale, que ten o seu nome do seu famoso castelo (kale significa "castelo").

Os Dardanelos é un antigo vale fluvial que se afundiu no cuaternario. Ten unhas costas pouco accidentadas e nel abunda o peixe.

Historia

O estreito tivo un papel importante ao longo da Historia (por exemplo, a Guerra de Troia acontece no lado asiático do estreito). Foi tamén o escenario da lendaria historia grega de Hero e Leandro. Os exércitos persas de Xerxes I (480 a. C.) e, máis tarde, o exército macedoniano de Alexandre o Grande (334 a. C.) atravesaron o estreito de Dardanelos en direccións opostas para invadir as terras uns dos outros.

No Imperio Bizantino foi importante para a defensa de Constantinopla.

A partir do século XIV o estreito foi controlado case continuamente polos turcos, tendo unha importancia vital para a armada do Imperio Otomán para a súa dominación no mar Mediterráneo oriental. O estreito sufriu unha tentativa de invasión con innúmeras perdas humanas polos aliados durante a primeira guerra mundial que case custou a carreira política de Winston Churchill (a Entente (Alianza) perdeu a batalla o 18 de marzo de 1915).

Véxase tamén

Ligazóns externas

Imaxes da cidade de Çanakkale
Imaxes de Çanakkale e Dardanelos Arquivado 25 de febreiro de 2009 en Wayback Machine.
Imaxes do Dardanelos