Cidade Real

Cidade Real
	Ciudad Real (es)
Localización
	38°59′00″N 3°55′00″O / 38.9833, -3.9167
Estado	España
Comunidade autónoma	Castela-A Mancha
Provincia	provincia de Cidade Real
Capital de	provincia de Cidade Real
Capital	Ciudad Real (pt)
Contén a división administrativa	Ciudad Real (pt) ; La Poblachuela (en) ; Las Casas (pt) ; Valverde (pt)
Poboación
Poboación	75.303 (2023) (264,22 hab./km²)
Xeografía
Parte de	Q107553614 ; Mancomunidade «Terra de Cabaleiros e Tablas de Daimiel»
Superficie	285 km²
Altitude	628 m-657 m
Comparte fronteira con	Alcolea de Calatrava (pt) ; Miguelturra ; Ballesteros de Calatrava ; Carrión de Calatrava (pt)
Organización política
• Alcaldesa	Eva María Masías (2021–)
Identificador descritivo
Código postal	13001–13005
Fuso horario	UTC+01:00
Código INE	13034
Outro
Irmandado con	Michalovce (pt)
Páxina web	ciudadreal.es

Cidade Real^[1] (en castelán: Ciudad Real) é unha cidade do centro de España, na Meseta Sur, capital da provincia de Cidade Real, en Castela-A Mancha.

Cidade Real ten 74.014 habitantes segundo o censo do Instituto Nacional de Estadística do ano 2009. A cidade atópase a 628 msnm, e o termo municipal cobre 289,98 km².

A cidade foi fundada por Afonso X o Sabio co nome de Villa-Real. A cidade é sede da Universidade de Castela-A Mancha e da Deputación Provincial.

Xeografía

O municipio de Cidade Real comprende catro núcleos de poboación, Cidade Real, Las Casas, Valverde e La Poblachuela. Cidade Real está urbanisticamente separada por escasos metros da veciña localidade de Miguelturra, formando un continuo demográfico. Cidade Real atópase na rexión histórica da Mancha, concretamente na comarca natural do Campo de Calatrava, caracterizada por toda unha chaira e situada na submeseta sur da Península Ibérica, ao bordo dun extenso territorio que presenta a particularidade do relevo e os fenómenos volcánicos. Así, pódense observar formacións do relevo que adoitan recibir o nome de "morro" ou "cabezo" e cráteres hidromagmáticos de explosión ou maar, que ás veces albergaban lagoas. Estas, en ocasións, foron desecadas na segunda metade do século XIX como consecuencia das ideas e políticas hixienistas ou miasmáticas da época, como a de Los Terreros, onde se atopa actualmente a Facultade de Educación.

A zona centro-sur de Cidade Real atópase emprazada sobre dúas maares, cuxos fondos de cráter sitúanse na praza do Pilar e na fonte do Hospital Xeral. No seu termo municipal, atópanse outros maares ou cráteres de explosión, como o da lagoa de La Posadilla (tamén chamado de Fuentillejos), declarada Monumento Natural.

Outros fenómenos son as augas agres, fervedoiros e baños termais. O relevo do termo municipal é chairo con lixeiras ondulacións e con pequenos outeiros volcánicos ademais de pequenas serras cuarcíticas. O río Guadiana suca este territorio represado para o regadío no encoro de El Vicario.

Clima

De acordo coa clasificación climática de Köppen, o clima de Cidade Real é en xeral semiárido frío de tipo BSk, aínda que está moi preto do límite co clima mediterráneo de tipo Csa. Outras fontes describen o clima de Cidade Real como mediterráneo continentalizad, diferenciándoo do clima mediterráneo típico (que se dá en zonas próximas á costa), por ter unha maior amplitude térmica anual debido á súa altitude e distancia do mar. A precipitación media anual é duns 400 mm, cun mínimo marcado no verán (como é común nos climas mediterráneos) e un máximo no outono e comezos do inverno e, en menor medida, na primavera. As nevadas no inverno son ocasionais. O verán é moi cálido, mentres que o inverno é moderadamente frío.

Demografía

O censo de Cidade Real é de 74.798 habitantes (INE 2014). Debido ao gran número de estudantes da Universidade de Castela-A Mancha (UCLM) e de persoas residentes non empadroadas, a poboación de Cidade Real dispárase ata as 80.000 persoas aproximadamente e chegaría ata os 100.000 habitantes contando a súa área metropolitana, o que supón unha porcentaxe moi elevada de poboación vinculada. Isto motivou diversas campañas do Concello de Cidade Real para aumentar o número de empadroamentos na cidade.

Administración e política

Eleccións municipais

Resultados eleccións municipais de 2015 en Cidade Real

Candidaturas con representación		2015
Candidaturas con representación		%	Concelleiros
	Partido Popular (PP)	36,54	10
	Partido Socialista Obrero Español (PSOE)	31,40	9
	Ganemos Ciudad Real	15,79	4
	Ciudadanos (C's)	7,47	2*

Cidade Real está gobernada polo Concello de Cidade Real, cuxos representantes se elixen cada catro anos por sufraxio universal de todos os cidadáns maiores de 18 anos de idade. O órgano está presidido (2015) pola alcaldesa de Cidade Real, Pilar Zamora.

Actualmente un dos dous concelleiros elixidos por Ciudadanos é un edil non adscrito no consistorio.

Alcaldes

Alcaldes desde as eleccións de 1979
Lexislatura	Nome	Partido
1979-1983	Lorenzo Selas Céspedes	UCD
1983-1987	Lorenzo Selas Céspedes	AP
1987-1991	Lorenzo Selas Céspedes	Independentes
1991-1995	Lorenzo Selas Céspedes (1991-1993) Nicolás Clavero Romero (1993-1995, substitución)	PSOE PSOE
1995-1999	Francisco Gil-Ortega Rincón	PP
1999-2003	Francisco Gil-Ortega Rincón	PP
2003-2007	Francisco Gil-Ortega Rincón	PP
2007-2011	Rosa Romero Sánchez	PP
2011-2015	Rosa Romero Sánchez	PP
2015-2019	María del Pilar Zamora Bastante	PSOE
2019-2023	María del Pilar Zamora Bastante (2019-2021) Eva Masías (2021-2023)	PSOE Cs
2023-	Paco Cañizares	PP

Notas

↑ Anaír Rodríguez Rodríguez, Montserrat Davila Ventura. Área de Normalización Lingüística da Universidade de Vigo, ed. Lingua galega: dúbidas lingüísticas (PDF). p. 101. ISBN 84-8158-266-2.

Véxase tamén

Ligazóns externas

Sitio web do concello

[1] Anaír Rodríguez Rodríguez, Montserrat Davila Ventura. Área de Normalización Lingüística da Universidade de Vigo, ed. Lingua galega: dúbidas lingüísticas (PDF). p. 101. ISBN 84-8158-266-2.

[1]