Ierdbeiflinter

ierdbeiflinter
taksonomy
ryk dieren (Animalia) stamme lidpoatigen (Arthropoda) klasse ynsekten (Insecta) skift flinters (Lepidoptera) famylje groukopflinters (Hesperiidae) skaai puzelgroukopkes (Pyrgis)
soarte
Pyrgus malvae
Linnaeus, 1758
IUCN-status: net bedrige

De ierdbeiflinter (Pyrgus malvae) is in soarte yn it skaai fan de puzelgroukopkes (Pyrgus).

Foarkommen

De ierdbeiflinter is in seldsume flinter. Yn hiel Europa is de efterútgong fan de flinter te sjen. De flinter hâldt fan fochtige drûge greiden en heidefjilden. De flinter komt foar yn it midden fan Nederlân, yn de súdlike dunen fan Noard-Hollân, Skiermûntseach en Skylge. It is in honkfêste soart.

Ierdbeiflinter.

Op de Nederlânske reade list stiet de flinter as bedrige, mar ynternasjonaal komt er noch rûnom foar.

Fljochtiid

De flinter fljocht fanôf heal april oant heal juny. Foaral tusken 15 maaie en 5 juny. Fljocht altyd yn 1 generaasje.

Flinter

De ierdbeiflinter is in lytseftige groukopflinter. De wjuklingte is likernôch 11 mm. De boppekanten fan de wjukken binne donkerbrún mei in soart wite plakjes. Ek is dúdlik in rige mei grize plakjes te sjen. It wite fjouwerkante plak op de boppekant fan de efterwjuk is goed te sjen. De ûnderkant fan de efterwjuk is ljochtbrún.

De rûp

De rûp kin 20 mm lang wurde. It liif is ljochtgrien-eftich en is bedekt mei koarte wyteftige boarsteltsjes. De kop is swartbrún mei hierkes. Hiele jonge rûpen libje yn in siden ûnderkommen ûnder in blêd. De gruttere rûpen rolje it blêd op en meitsje dat as in ûnderkommen. De rûpen ite meastel yn de jûntiid en op de betide moarn. De rûp groet yn de foarsimmer en yn de simmer. De rûp ferpopket him yn in losse kokon yn in krûdlaach. De pop oerwinteret.

De rûp fret fan wylde ierdbei planten, tormentil, daubream, hantsjeblêd.

Sjoch ek

• List fan flinters