Bodø

	Bodø
	Bodø
	Wapen
	Polityk
Lân	Noarwegen
Provinsje	Nordland
Gemeente	Bodø
	Sifers
Oerflak	920,69 km2
dêrfan lân	871,73 km2
dêrfan wetter	48,96 km2
Ynwennertal	52 803 (2022)
Befolkingstichtens	40,28 inw./km
	Oar
Tiidsône	UTC+1
Simmertiid	UTC+2
	Offisjele webside
	Offisjeel webstee
	Kaart
	;

Bodø is in stêd en gemeente yn de provinsje Nordland dêr't Bodø ek de haadstêd fan is. De stêd leit op 14° 23' easterlingte, 67° 17' noarderbreedte. Omdat se boppe de poalsirkel leit, kin men hjir fan 2 juny oant 10 july de Midnachtsinne bewûnderje. De poalnacht duorret fan 15 oant 29 desimber. Troch de ynfloed fan de Golfstream is it klimaat der frij myld: de trochsneed temperatuer is -2,2° yn jannewaris en 12,5° yn july.

Skiednis

Bodø is in frij jonge stêd mar it plak hat in lange histoarje. Bodø krige yn 1816 stedsrjochten. Hja hie har bloei fan 1860 oant 1880 doe't grutte skoallen hjerring yn 'e omkriten foarkamen. Mei it ferdwinen fan de hjerring waard de stêd eins ek wei. Yn 1940 waard Bodø troch de Dútsers foar trijekwart yn pún sketten. Fan de 6000 ynwenners dy't de stêd doe telde, ferlearen 3500 minsken harren hûs. Sweden holp by de weropbou fan de stêd. De wyk, dy't no yn it sintrum fan Bodø leit, wurdt hjoed de dei dêrom noch de Sweedske stêd neamd. Yn novimber 2019 waarden der mei help fan boaiemradar fyftjin grutte grêfheuvels fûn en ek in folslein Fikingskip. Omdat noch gjin fjoerplakken oantroffen binne is ûnwis, oft der ek Noarmannen op it plak wenne hawwe.

Ynfrastruktuer

De lofthaven fan 'e stêd leit 2 km westlik fan it sintrum, en hat ynlânske ferbiningen mei Oslo, Trondheim en Tromsø. De spoarferbining mei Trondheim bekend as de Nordlandsbanen en it stasjon fan Bodø waarden op 7 juny 1962 offisjeel troch kening Olav ynhuldige. Bodø wurdt eltse dei oandien troch de fearboaten fan de Hurtigruten (in mear as hûndert jier âlde Noarske passazjiers- en transporttsjinst). Dêrneist binne der fearboaten nei Røst, Værøy en Moskenes en snelboaten nei ferskate eilannen yn de omjouwing.