Iredentisim

L'iredentisim al è stât un moviment nazionalist talian dal XIX secul di caratar anti austriac che al predicjave la continuazion dal risorziment par fa passâ sot il Ream de Italie il Friûl di là dal Clap, Triest, la Istrie, la citât di Flum di Istrie, la Dalmazie, il Trentin e il Sudtirôl.

I teritoris iredincj a forin definîts cussì doprant criteris variabii: des voltis si cjalave la presince di popolazion italiofone, des altris si cjalavin i confins gjeografics, des altris la antighe dominazion di stâts talians. Il moviment iredentist al rivâ a rivendicâ ae Italie ancje teritoris come Nizza, la Corsica, il Cjanton Tissin e la Isule di Malta.