Cjale il codiç di Benito Mussolini

No tu âs i permès che a coventin par cambiâ cheste pagjine, par il motîf ca sot:
Il tuo indirizzo IP è in un intervallo che è stato bloccato su tutti i wiki della Wikimedia Foundation.
Il blocco è stato eseguito da ‪Superpes15‬. La motivazione fornita è No open proxies .
Inizio del blocco: 10 di Fev 2024 a lis 12:40
Fine del blocco: 10 di Fev 2026 a lis 12:40
Il tuo indirizzo IP attuale è 142.171.178.55. L'intervallo bloccato è 142.171.0.0/16.
Par plasê copie ce che al è scrit ca parsore in ogni tô eventutâl richieste. Se ritieni di essere stato bloccato per errore, puoi trovare ulteriori informazioni e istruzioni nella policy globale Niente proxy aperti.
Altrimenti, per discutere del blocco inserisci una richiesta di riesame su Meta-Wiki. Puoi anche inviare un'e-mail alla coda stewards VRT all'indirizzo stewards@wikimedia.org includendo tutti i dettagli di cui sopra.
Tu puedis viodi e copiâ la risultive di cheste pagjine:
[[File:Mussolini mezzobusto.jpg|thumb|Benito Mussolini]]
'''Benito Amilcar Andree Mussolini''', par [[talian]] '''Benito Amilcare Andrea Mussolini''' ([[Dovie]], [[Predapi]], [[29 di Lui]] [[1883]] – [[Gjulin]], [[Tremezine]], [[27 di Avrîl]] [[1945]]), dispès clamât ''Duce'', al fo un [[ditatôr]], [[politic]] e [[gjornalist]] [[Italie|talian]].

==Biografie==
===La zoventût===
Al nassè a [[Dovie]] ([[Predapi]]), in [[Emilie-Romagne]], tal [[1883]] di Rose Maltoni, mestre divote [[catolicisim|catoliche]], e [[Alessandri Mussolini|Alessandri]], fari [[internazionalisim|internazionalist]], [[socialisim|socialist]] e [[anarchie|anarchic]]; par vie de [[mari]] al fo batiât, il [[pari]] lu clamà ''Benito Andrea Amilcare'' par omaç ai [[rivoluzionari]]s [[Benito Juarez]], [[Andrea Costa]] e [[Amilcare Cipriani]]. Al studià prin intun coleç a [[Faenza]], dulà che al si barufà dispès cun educadôrs e compagns, po, dal [[1894]] al [[1901]], daspò vê implaiât un altri student cuntun temperin, a [[Forlimpopoli]], intun coleç laic. In chê volte, pe influence dal [[pari]], al jere un [[socialisim|socialist]].

Tal [[1902]] al vignì mestri suplent a [[Gualtieri Emilia]], dulà che al fo secretari dal circul [[socialisim|socialist]], ma in chê [[Istât]] al là in [[Svuizare]], incjasântisi in diviersis [[citât]]s e fasint diviersis mistîrs; in chel periodi al fo agitadôr, scomençant a scrivi in [[riviste|rivistis]] e fevelant in conferencis, cuintri i [[socialisim|socialiscj]] riformiscj (chei plui moderâts), il [[parlamentarisim]], la [[monarchie]], il [[militarisim]] e lis [[religjon]]s, seredut il [[cristianisim]]; al diseve di jessi al pro de violence. Studiât il [[francês]] e il [[todesc]], al [[traduzion|voltà]] tescj, judât di [[Angjeliche Balabanoff]]. Tal [[1904]] al mandà fûr ''L'uomo e la divinità'' (''L'omp e la deitât''), lant cuintri il [[catolicisim]], sostignint la inesistence di [[Diu]] e cjapant ideis di [[Friedrich Nietszche|Fidrì Nietszche]].Dispès gatamât e parât fûr, profitant di une [[perdonance]] pai [[disartôr]]s (nol veve fat la [[jeve]]), tal [[1904]] al tornà in [[Italie]], fasint il [[militâr]]; daspò, tal [[1906]] al vignì insegnant in [[Cjargne]], a [[Tumieç]], dulà che nissun al preseave la sô ande e il so [[cuintriclericalisim]]. Tal [[1907]] al si tasferì a [[Onellie]], dulà che al insegnà il [[francês]] e al fo diretôr de [[riviste]] ''[[La Lima]]'' (''La Lime''); l'[[1908|an seguitîf]] al si trasferì a [[Predapi]] e là al protestà cui bracents, vignint condanât a trê [[mês]] di [[preson]]. Dal [[1909]] a [[Trent]] al fo secretari de [[Cjamare dal lavôr]] e diretôr di ''L'avvenire del lavoratore'' (''L'avignì dal lavoradôr''), scrivint ancje par ''[[Il Popolo]]'' (''Il Popul''). Parât fûr ancje dal [[Trentin]], al fo secretari de federazion dai [[socialisim|socialiscj]] di [[Forlì]], fondant il lor [[gjornâl]] cul non ''[[La lotta di classe]]'' (''La lote di clas''); là al cjapà come [[femine]] [[Rachele Guidi]], che lui al maridà tal [[1910]] e che e petà jù cinc [[fi]]s; Mussolini 'nd ve altris nassûts di [[adulteri]]s. In chest periodi nol veve beçons.

===I prins sucès, la nassince dal fassisim e la Prime vuere mondiâl===
[[Figure:Benito_Mussolini_1917.jpg|thumb|250px|Mussolini soldât te [[Prime vuere mondiâl]] tal [[1917]]]]
Daspò cualchi mês in [[preson]] par une protestazion violente cuintri la [[Vuere di Libie]], tal [[1912]] cuntun discors al rivà a parâ fûr dal [[Partito Socialista Italiano|P.S.I.]] cualchi riformist, come [[Ivanoe Bonomi]], vignint famôs; anche par vie di lui, i rivoluzionaris vignerin cjâfs dal [[partît]]. Gnûf diretôr dal ''[[Avanti!]]'' (''Indenant!''), tal [[1912]] si trasferì a [[Milan]], gambiant un grum il [[sfuei]], che la tiradure di chest incressè un grum, in chel che ancje il [[Partito Socialista Italiano|P.S.I.]] al deventave simpri plui grant. Mussolini vignì il cjâf reâl dal [[partît]], instradantlu viers ideis rivoluzionariis e uçant il popul a rivielâsi; chest al acjadè tal [[1914]] te [[setemane rosse]]. Tal [[1913]] al implantà la [[riviste]] ''Utopia'' (''Utopie''). Scomençade la [[Prime vuere mondiâl]], al jere cuintri une intervenzion de [[Italie]], vint miôr, come ducj i altris dal [[Partito Socialista Italiano|P.S.I.]], la neutralitât assolude, ma al voltà vele in curt, crodint che la [[vuere]] e fos une ocasion par gambiâ la [[Europe]] e la [[Italie]] masse impuartante par che i [[socialisim|socialiscj]] si le lassassin scjampâ e che al fos just combati cuintri i [[Imperis Centrâi]], che a jerin [[militarisim|militariscj]]. Par chest, lassât l'Avanti!, al implantà un gnûf gjornâl, ''[[Il Popolo d'Italia. Quotidiano socialista]]'' (''Il popul di Italie. Cuotidian socialist''), a pro dal [[interventisim]], finanziât ancje dai [[socialisim|socialiscj]] [[France|francês]] e [[Belgjiche|belgjics]] e dai [[guvier]]s  dal [[Ream Unît]] e de [[France]]. Par cheste idee su la [[vuere]] al fo parât fûr dal [[Partito Socialista Italiano|P.S.I.]]. Alore Mussolini promovè la gnove clape politiche ''Fasci di azione rivoluzionaria'' (''Fas di azion rivoluzionarie''), [[socialisim|socialiste]] e [[interventisim|interventiste]]; di chi la [[peraule]] ''[[fassisim]]''. Intant lui al deventave simpri plui patriotic. Cuant che la [[Italie]] tacà sot cu la [[vuere]], al scombatè, vignint avanzât a [[caporâl]] e daspò, tal [[1917]], congedât, par vie di un incident cuntun [[mortâr]]. Alore al continuà a scrivi tal so [[sfuei]], augurant une [[ditadure]] militâr e plui dissipline par vinci la [[vuere]] e bandonant il [[socialisim]] [[internazionalisim|internazionalist]].

===Il daspò-vuere e la nassince dal P.N.F.===
Finide la [[Prime vuere mondiâl|vuere]], al  metè su a [[Milan]] i ''[[Fasci italiani di combattimento]]'' (''Fas talians di combatiment''), di [[çampe]] [[libertarisim|libertaris]], [[republican]]s, violencj e cuintri la [[catolicisim|Glesie catoliche]] e chei dal [[Partito Socialista Italian|P.S.I.]], che a vignivin clamâts [[bolsevic]]s; al scomençà daurman la ativitât sbridinant la sede dal ''Avanti!'', ma lis risultis tes [[elezions]] no a forin fregul positivis: il [[Partito Socialista Italiano|P.S.I.]] al vincè e Mussolini, no vint cjapât nancje 5 000 vôts, al pensà di molâ la [[politiche]] e di tornâ a dispatriâsi, ma al decidè di provâ ancjemò, gambiant cualchi carataristiche dai [[Fasci italiani di combattimento|Fas]], fasintlu deventâ di [[drete]], cu la mission di difindi i veterans e i [[Italie|Talians]] dai bolsevics. Tai prins [[an|agns]] '20 i [[fassisim|fassiscj]] a profitarin des lighis rossis te [[Planure padane]], tirant dongje il consintiment dai [[catolicisim|catolics]], dai [[liberalisim|liberâls]] e dai [[conservatorisim|conservadôrs]] pes azions violentis dai [[scuadrisim|scuadriscj]] di Mussolini, vint un sucès unevore grant: tal [[Decembar]] [[1919]] i iscrits a jerin 800, tal [[Decembar]] [[1920]] 20 165, tal [[Mai]] [[1921]] 187 588. Tal [[1921]] pes [[elezions]] al jere aleât cun [[Giovanni Giolitti|Giolitti]] par impedî al [[Partito Socialista Italiano|P.S.I.]] di vinci: intant che i [[scuadrisim|scuadriscj]] a perpetrave criminâls te [[Italie dal nort]] e in chê [[Italie centrâl|centrâl]], al otignì  35 sielis, fasint colâ in curt il guvier di [[Giovanni Giolitti|Giolitti]] par ritirâ il sostegn.

Tal [[1921]] al proponè di molâ lis violencis dai scuadriscj, crodint di vê aromai sconfizût i [[socialisim|socialiscj]], ma nol rivà a convinci i cjâfs di lôr: a scomençarin grandis disconcuardiis internis, sintremai il congrès che a [[Rome]] al decidè di tignî ancjemò Mussolini come cjâf, di no disfâ lis clapis dai [[scuadrisim|scuadriscj]] e di doprâ un gnûf non, ''Partito Nazionale Fascista'' (''P.N.F.'', ''Partît Nazionâl Fassist''). Chest episodi al fo impuartant pe maniere scrupulone di Mussolini di tratâ i possibii riversaris internis tai [[an|agns]] seguitîfs. Il gnûf [[partît]] al ve gnovis ideis: [[autoritarisim]], [[ imperialisim]] e [[corporativisim]]; e fo cjapade [[Rome antighe]] come model dal [[stât]] [[Italie|talian]] di creâ.

===La cjapade dal podê===
[[Figure:March on Rome 1922 - Alle porte di Roma.png|300px|thumb|I [[fassisim|fassiscj]] a van a [[Rome]]]]
Lis violencis dai [[scuadrisim|scuadriscj]] a continuavin, intant che il [[guvier]] di [[Luigi Facta|Luîs Facta]] nol rivave a combinâ nuie par fermâju; tal [[1922]] il [[Partito Nazionale Fascista|P.N.F.]], al organizà une rapresalie cuintri un [[siopar]] organizât cuintri la violence di lôr, tacant clapis di [[çampe]] e ancje ministrazions locâls e ocupant [[citât]]s. Par ristaurâ la legalitât impuartancj [[politic]]s, come [[Giovanni Giolitti|Giolitti]], a proponerin a Mussolini une aleance par meti sù un gnûf guvier, patigant cun lui a [[Milan]], ma i [[fassisim|fassiscj]] a stavin organizant une grande insurezion: a ocuparin puescj de ministrazion statâl, ufizis postâi e [[ferade|feradis]] te [[Italie dal nort]] e [[Italie centrâl|centrâl]], biel che un grum di [[scuadrisim|scuadriscj]] a si ingrumavin a [[Rome]]; [[Luigi Facta|Facta]] al proponè di declarâ il [[stât di assedi]], ma il [[re]] [[Vitôr Emanuêl III|Vitôr Emanuêl III]] nol volè. Cheste vicende e je cognossude come [[Marcje su Rome]]. Tai 29 di Otubar, tal indoman dal riviel, il [[re]] j assegnà la presidence. Sigurant di volê viodi di fâ rispietâ la [[leç]] ancje ai [[fassisim|fassiscj]], al otignì il consintiment dal [[Parlament]], rivant a vignî president. Al stramudà i scuadrons dal [[Partito Nazionale fascista|P.N.F.]] in [[Milizia volontaria per la sicurezza nazionale]] (Milizie volontarie pe sigurece nazionâl) e al doprâ la violence cuintri i riversaris. Par consolidâ il so podê al scomençà a viazâ atôr pe [[Italie]]. Mandade fûr tal [[1923]] une [[leç]] che e dave un grum di sielis al prin [[partît]], ben se a ves vût almancul il 25% des balis, al vincè lis elezions dal [[1924|an seguitîf]], in chel che a seguitavin lis cjavaladis des [[fassisim|fassiscj]], che po dopo a coparin il deputât [[Partito Socialista Italiano|socialist]] [[Giacomo Matteotti|Jacum Matteotti]]: cheste coparie e invià un grum di protestazions, che Mussolini al rispuindè a lôr cjapantisi la responsabilitât dal maçament e intensificant la repression. In chel [[timp]] al scomençà a meti sù la [[ditadure]].

===La ditadure prin de Seconde vuere mondiâl===
[[Figure:Bundesarchiv Bild 102-09844, Mussolini in Mailand.jpg|thumb|250px|Mussolini al fevele dongje dal [[Dom di Milan]] tal [[1930]]]]
Tal [[1926]] al disfà i [[partît]]s, lis associazions, i [[sfuei]]s e i [[sindicâts]] che no a jerin [[fassisim|fassiscj]]; tal [[1928]] il [[Gran consiglio del fascismo|Grant Consei dal fassisim]] (par [[talian]] ''Gran consiglio del fascismo''), prin samblee interne dal [[Partito Nazionale Fascista|P.N.F.]], al vignì un argagn instituzionâl dal [[stât]]. Tal [[1929]] al firmà un pat cu la [[Glesie catoliche]] che al pacificà la [[Italie]] e il papât, che no a vevin rapuarts bons pe concuiste dal [[Stât Pontifizi]] de bande di [[Italie|chel talian]]: chest al zovà al consens dai [[catolicisim|catolics]].

Intant che Mussolini e il [[partît]] a cjapavin simpri plui podê, il [[re]] al deventave nome un simbul. Il [[ditadôr]] al creà un mît su di sè, doprant la [[propagande]] par creâsi la figure di un [[omp]] plen di buinis cualitâts, sedi fisichis sedi morâls sedi inteletuâls. La [[economie]] de [[Italie]] [[fassisim|fassiste]] e jere tal principi [[liberisim|liberiste]], po dopo [[protezionisim|protezioniste]], par evitâ la dipindince dai altris [[stât]]s.

[[Figure:Mussolini1.gif|thumb|180px|Mussolini dilunc di un discors]]
Cuant che, tal [[1933]], [[Hitler]], che al preseave un grum Mussolini e lu considerave un mestri, al cjapà il podê in [[Gjermanie]], nol fo cuntent; cuant che il [[Gjermanie|Todesc]] al voleve ocupâ la [[Austrie]], lui al prontà l'[[esercit]] par difindile e daspò al organizà une conference cuintri il so militarisim cu la [[France]] e il [[Ream Unît]]; ma ben la situazion des relazions internazionâls al mudà tal [[1935]], cuant che chescj [[stât]]s a forin aviers ae  [[Vuere di Abissinie]] scomençade de [[Italie]] par concuistâ la [[Etiopie|nazion]] [[Afriche|africane]], che e fo cjapade l'[[1936|an seguitîf]] par vie de disparitât di [[arme|armis]] (la [[Italie]] e veve [[arme|armis]] modernis, che i nemìs no a vevin, e e doprà ancje [[armis chimichis|chê chimichis]]), de miôr organizazion e dal grant [[numar]] di [[soldât]]s: cussì al nassè l'imperi. Daspò scomençà a meti su un regjim ancjemò plui [[totalitarisim|totalitari]], cjapant il control dal [[esercit]] e creant la [[Camera dei fasci e delle corporazioni]] (Cjamare dai fas e des corporazions), impen de [[Cjamare dai deputâts]], che e fo disfade. Al sostignì [[Francisco Franco|Francesc Franco]], che al vuerezave in [[Spagne]] par meti sù un regjim someant a chel [[fassisim|fassist]], inviant trupis. Dal [[1936]] al fo simpri plui aleât di [[Hitler]]: tal [[1938]] al fasè bon la ocupazion de [[Austrie]] di bande de [[Gjermanie]] e al mandà fûr [[leç]]s [[razisim|razistis]] e [[cuintrisemitisim|cuintrisemitichis]] e tal [[1939]] al fasè il [[Pat d'açâr]], une aleance militâr, cu la [[Gjermanie]]. Tal [[1939]] la [[Italie]] e cjapà la [[Albanie]].

[[Figure:Mussolini War Declaration 1940 (retouched).jpg|thumb|left|210px|Mussolini al declare [[vuere]] ae [[France]] e al [[Ream Unît]] a [[palaç Vignesie]] a [[Rome]] tal [[1940]]]]

===La Seconde vuere mondiâl===
[[File:Mussolini e Petacci a Piazzale Loreto, 1945.jpg|thumb|]]
Cuant che e scomençà la [[Seconde vuere mondiâl]], Mussolini, savint ben che la [[Italie]] no e jere in pront nol partecipà, ma daspò, tai 10 di Jugn dal [[1940]], al tacà sot; chest al acjadè parcè che al crodeve intune vitorie de [[Gjermanie]] e al voleve cjapâ gnûfs teritoris dongje dal [[mâr Mediterani]]. La [[Italie]], come za scrit, no e jere pronte. Tal [[1943]] i [[Aleâts de Seconde vuere mondiâl|Aleâts]] a disbarcjarin in [[Sicilie]]. Intant che il [[regjim]] al veve aromai un consens minim, parcè che la int e pative la slisse e e jere sglonf dai [[bombardament]]s, il [[re]] [[Vitôr Emanuêl III]] al destituì Mussolini, che al fo arestât. Chest al fo impresonât, ma i [[Gjermanie|Todescs]] lu liberarin: lui al metè sù un [[stât]] te [[Italie dal nort]], la [[Republiche Sociâl Taliane]] (par [[talian]] ''Repubblica Sociale Italiana'', R.S.I.), controlât de [[Gjermanie]]. Tal [[1945]], pierdude la [[vuere]] cuintri la [[Resistence taliane|Resistence]] e i [[Aleâts de Seconde vuere mondiâl|Aleâts]], daspò vê cirît di tratâ cui [[partigjan]]s, ma diband, al provà a scjampâ in [[Svuizare]] cuntune companie di [[Gjermanie|Todescs]] intun [[camion]], ma, piât dai [[partigjan]]s, al fo fusilât a [[Gjulin]], che nol è lontan dal [[cunfin]]. Il so [[cadavar]] al fo insolentât e picjât a public pai [[pîd|pîs]] denant a un benzinâr a [[Milan]].

==Leams esternis==
* ''[http://www.treccani.it/enciclopedia/benito-mussolini_(Dizionario-Biografico)/ Mussolini, Benito]'', ''Dizionario Biografico degli Italiani'', 2012
[[Categorie:Politics|M]]
[[Categorie:Politics talians|Mussolini, Benito]]
Torne a Benito Mussolini.
Cjapât fûr di https://fur.wikipedia.org/wiki/Benito_Mussolini