Caminu de Santiagu
Caminu de Santiago es la denominación que tieni un conjuntu de rutas de pelegrinación cristiana de origin medieval que se van a dal ala tumba de Santiago el Mayol, asitiá ena catedral de Santiagu de Compostela (Galicia, España).[nota 1] Estóricamenti s'a coñeciu comu «Caminu de Santiagu» (ogañu denominau «Caminu de Santiagu francés») al itinerariu prencipal que, ajorrandu dendi los Pirineus ocidentalis, percorri España ata allegarsi ala ciá gallega; inque, ogañu el términu se gasta pa palral de tolas rutas jacobeas dexistentis.[1] Se trata dun «caminu sembrado de numerosas manifestaciones de fervor, de arrepentimientu, de ospitalidá, d'arte i de coltura, que mos palra de manera elocuenti delas raízis espiritualis del Vieju Continenti».[2]
Estória
[Edital | Editá'l códigu]
Edá meia
[Edital | Editá'l códigu]Santiago el Mayol jue unu delos prencipalis apóstolis de Jesucristu i el primeritu dellos en moril martirizau.[3] La tradición cristiana indica qu'el su cadavi jue trasladau a Hispania i depositadu nuna tumba asitiá en Gallaecia.[4] Esta jue descubierta sobri l'añu 820 entri los restus dun asentamientu romanu abandonau i sobri ella se hizu un templo que jue ampriau enus sigrus seguintis ata convertilsi ena atual catedral.[5]
El cultu al apóstol se destendió a ná entri los cristianus peninsularis i jue apregonau por Alfonso II comu patrón del reinu d'Asturias, consideración que mantuvu enas entiais políticas que le sucedierun.[5] Igualmenti, apaeció l'arregostamientu entri los sus exércitus d'invocal el su nombri dantis d'entral en batalla.[5]
La jacobea jue l'última en apaecel dentri las tres grandis peregrinacionis cristianas.[6][nota 2] Un númberu crecienti de pressonas la hizu duranti la Edá Meia por misterius de fe, al consideral que los restus del apóstol tenían l'albeliá de intercesión ante Dios.[7] La su popularidá s'estendió entri los reinus uropeus ocidentalis i gozó del sostribamientu tanto delas autoridais eclesiásticas i civilis comu de pressonas particularis, quienis s'empricun ena creación duna infraestrutura que brundasi alos pelegrinus alojamientu i assistencia.[6] Las autoridais, amás, diton normas jurídicas pa afialus mentris hazian el su viagi.[8] Duranti la su estória, ha tenteau dos grandis crisis: la primerita jue nel sigru XVI por mé dela tipología de quienis percorrian las rutas jacobeas i ala aparición dela teología protestanti;[9] la segunda la causó el processu de secularización uropeu emprencipiau tras la Revolución francesa i la pérdida dela enfrastrutura de alojamientu polas desamortizacionis del sigru XIX.[10] Esta crisis jue la más gravi i llevó a su prática desaparición enas décadas centralis del sigru XX, inque duranti la segunda metá dessa centuria experimentó una notable recuperación tanto en populariá comu d'enfraestrutura. Frutu della, el numberu de pelegrinus qu'allegan a Santiagu no a parau d'aumental dendi la década de 1990 i en 2019 topó la cifra más alta dendi que se tienin esculquijus: 347578 pressonas.[11][12]
Ogañu
[Edital | Editá'l códigu]Nesta segunda década del sigru XXI, la pelegrinación jacobea atrai a ombris y mujeris por igual.[11] Los extranjeros superan ligeramente a los nacionales y la mayoría emprende el viaje dentro de España, siendo un porcentaje pequeño aquellos que comienzan su camino más allá de los Pirineos.[11] La motivación pal mayol númberu dellus sigui siendu de tipu espiritual, inque es emportanti la cifra delos que la hazin por motivus lúdicu-deportivus.[11] Dentru del cristianismu, es acetá por parti dela teología protestanti que l'abía repuntau dendi el sigru XVI i l'amplia estensión de rutas jacobeas a lo largu d'Uuropa a hechu espairecel un nuevu tipu de peregrinación consistente en percorrel unus días el caminu sin el escopu final d'allegalsi a Compostela (algu al alcanci de pocus en áreas mu apartás).[13]
Rutas
[Edital | Editá'l códigu]
La primerita ruta que sigun los pelegrinus jue la que partía d'Ovieu, la capital de Asturias i que, a través de la montaña, s'allegaba a Lugu i continuaba ata el Locus Sancti Iacobi.[14] Cola expansión delos reinus cristianus pal sul, queó baxu el su control la antigua ruta romana qu'unía Burdeus con Astorga a través de Pamplona, Burgus i León.[15] Esta jue la basi sobri la que se desenrreó el traçau crássicu del Caminu de Santiagu tras hazelsi algunus cambius nel su recorriu, prencipalmenti pa hazellu pasal por çonas más poblás.[16]
Sobre esta ruta prencipal desembocaban otras que partían de diversas regionis dentru dela península i que, conformi avançava la Reconquista, jueron las que usun los abitantis delos nuevos territorius baxu dominiu cristianu. Ena vezina Francia, pola su parti, se desenvolvun cuatru itineraries pa allegalsi al Caminu de Santiagu. Estus partían dela capital París, dela boca del Ródanu, asina comu delas localiais de Vézelay i Le Puy, respetivamenti.[17] Las dos primeras seríen las más usás por quienis iniciavan el su viagi más allá del reinu francés duranti el su tránsitu porel mesmu.[18] Nestus paísis apartaus, los pelegrinus tomavan las prencipalis vías comercialis que conducían a Francia porque tenían la mejol enfraestrutura.[19]
Cona crisis dela pelegrinación jacobea enos sigrus XIX i XX se jue arrumbandu l'usu delas antiguas rutas comu vías pa allegalsi a Santiagu.[20] Abondu dellas quedon asfaltás pala su utiliçación polos vículus, si bien algunus tramus conservun el su estau original al crealsi otrus alternativus más convenientis.[21] Ena segunda metá del sigru XX se escomenço a estudial cuál abía siu el itinerariu original del caminu i se determinon las puebracionis polas que passava, de tal manera que —en 1965— se puu edital una guía para hazel el viagi en cochi dendi los Pirineus ata Compostela.[22] Ya enos añus 1980 se procuró adequallu pa puel ser recorriu a pie i pa ellu se gaçaperun cenderus que evitassin el peligrosu ussu dela carretera, labol esta hecha por voluntarius desinteresadus dentri los que destacó el curatu Elías Valiña.[20] Igualmenti, s'abilitó una enfraestrutura de alberguis pa proporcional alojamientu alos pelegrinus duranti el viagi.[23]
L'éssitu esperimentau dendi los añus 1990 a llevau, tamién, a que se recuperin un gran númeru de rutas estóricas por associacionis de voluntarius, tantu n'España comu enos demás paísis uropeus.[24] Desta manera, pa finalis dela década de 2010 una estensa redi de 286 caminus s'encuentran catalogaus i percorrin un total de 80000|km en 28 paísis.[24]
El Caminu de Santiagu i la pelegrinación jacobea que se hazi por él an siu, dendi el su surgimientu ena Edá Media, un notabli lugal d'aculcamentu i de cambioteu coltural entri la puebración d'Uropa.[25] Se valorea asinamesmu qu'an ayudau a general lo que se podríe denominal «concencia común uropea».[26] Estus aspetus inmaterialis, juntu al conjuntu de construcionis esstóricas relacionás con él —egressias, alberguis, monesterius, pontis, etc.— que s'a conseguiu conserval,[27] an hechu que reciva emportantis recoñecimientus internacionalis dendi la su recuperación enos añus 1980.
Otrus Caminus de Santiagu
[Edital | Editá'l códigu]
Dendi que se recuperó el Caminu de Santiagu enos años 1980, las asociacionis de voluntarios an acontinuado su trabaju pa hazel lo mesmitu con un buen númberu de rutas dentru dela península que permiten acedel al caminu prencipal, amás dalguna que llega diretamenti a Compostela.[28] Estu a permitiu que ogañu —2021— dessistan cerca de 50 caminus estóricus recuperaus i señaliçaus que percorin más de 5000 dentr d'España.[28] El mesmu processu s'a seguiu en quase tolos paísis uropeus, de tal manera que la cifra s'eleva a cerca de 280 caminus con un percorriu dunos 80000 km.[24] Destacan nste sentiu Francia (45 caminus con 17700 km), Alemaña (47 caminus con 11000 km) i Italia (30 caminus con 11000 km).[24] Es de señalal-si la circunstancia que, dentru dalgunus paísis uropeus, son gastaus tamién pa pelegrinal a otrus destinus, comu por exempru en Dinamarca, ondi el Hærvejen, en dirección norti, es parti delos «caminus de San Olaf» que conducin a Trondheim, mientras que, acia el sul, se dirigi a Compostela.
La Federación Española los parti n'onci grupus: el propriu «Caminu francés», los «Caminus de Galicia», «del norti», «andalucis», «del centru», «del esti», «catalanis», «del suresti», «insularis», «uropeus» i «marítimus».[28] Tamién se puein separal en dos categorías: aquellos que finalizan diretamenti en Santiagu de Compostela i los que desembocan notrus caminus i acontinan por ellos hasta llegal a la ciá gallega. Estus derreus permiten realiçal la pelegrinación partiendu dendi quase tolas áreas geográficas del país.
-
-
Caminos de Santiago en Portugal -
-
Caminos de Santiago en Centroeuropa -
Caminos de Santiago en Italia
| Otros Caminos de Santiago directos a Compostela | ||||
|---|---|---|---|---|
| Cód. | Denominación | Inicio | Final | km |
| ES05a | Camino Primitivo | Oviedo | Santiago de Compostela | 313 |
| ES02a | Camino Portugués desde Tuy | Tuy | Santiago de Compostela | 115 |
| ES06a | Camino Inglés | Ferrol / La Coruña | Santiago de Compostela | 110 / 96 |
| ES17a | Camino de Invierno | Ponferrada | Santiago de Compostela | 254 |
| ES16a | Camino Sanabrés | Zamora | Santiago de Compostela | 412 |
| ES07a | Camino a Finisterre | Santiago de Compostela | Finisterre | 90 |
Referencias
[Edital | Editá'l códigu]- ↑ «Nuestros caminos». www.caminosantiago.org. Federación Española de Amigos del Camino de Santiago. 2018. Consultado el 10 de octubre de 2018.
- ↑ Benedicto XVI (19 de diciembre de 2009). «Message à l'Archevêque de Saint-Jacques-de-Compostelle (Espagne) à l'occasion du début de l'Année sainte de Compostelle (19 de diciembre de 2009)» (en francés). Vatican: vatican.va. Consultado el 9 de agosto de 2016.
- ↑ Prantilla:Cita Enciclopedia Católica
- ↑ Vázquez de Parga, Lacarra y Uría Ríu, 1948, pp. 179-200.
- ↑ 5,0 5,1 5,2 Novillo-Fertrell Paredes, 2013a, pp. 29-31.
- ↑ 6,0 6,1 Rucquoi, 1981, p. 94.
- ↑ Vázquez de Parga, Lacarra y Uría Ríu, 1948, p. 18.
- ↑ Rucquoi, 1981, p. 90.
- ↑ Plötz, 2015, p. 8.
- ↑ Plötz, 2015, pp. 10-11.
- ↑ 11,0 11,1 11,2 11,3 Oficina de Atención al Peregrino (2019). «Estadísticas». Cabildo de la Catedral de Santiago. Consultado el 27 de enero de 2019.
- ↑ http://oficinadelperegrino.com/wp-content/uploads/2016/02/peregrinaciones2019.pdf
- ↑ «Pilgern Heute». Infos für Pilger (en alemán). Pilgerbüro in der Hauptkirche St. Jacobi. 2019. Consultado el 4 de febrero de 2019.
- ↑ Argüelles Álvarez, 2016, pp. 130-131.
- ↑ Monsalvo Antón, 2010, p. 38.
- ↑ Vázquez de Parga, Lacarra y Uría Ríu, 1949a, p. 15.
- ↑ Vázquez de Parga, Lacarra y Uría Ríu, 1948, p. 210.
- ↑ Vázquez de Parga, Lacarra y Uría Ríu, 1948, p. 223.
- ↑ Vázquez de Parga, Lacarra y Uría Ríu, 1949a, pp. 9-10.
- ↑ 20,0 20,1 «La guía roja de Valiña». Elías Variña, coordinador del camino. Asociación IDEA Camino de Santiago. 2017. Consultado el 14 de mayo de 2017.
- ↑ Lalanda, 2011b, pp. 46-47.
- ↑ Asociaciones de amigos del Camino de Santiago de Palencia, Lugo, Zaragoza y Burgos, 1987, pp. 67-71.
- ↑ 24,0 24,1 24,2 24,3 «Caminos europeos a Santiago». www.caminosantiago.org. Federación Española de Amigos del Camino de Santiago. 2019. Consultado el 6 de marzo de 2019.
- ↑ Error en la cita: Etiqueta
<ref>no válida; no se ha definido el contenido de las referencias llamadasUnesco1 - ↑ Error en la cita: Etiqueta
<ref>no válida; no se ha definido el contenido de las referencias llamadasPrinAst - ↑ Error en la cita: Etiqueta
<ref>no válida; no se ha definido el contenido de las referencias llamadasUnesco2 - ↑ 28,0 28,1 28,2 «Nuestros Caminos de Santiago». www.caminosantiago.org. Federación Española de Amigos del Camino de Santiago. 2021. Consultado el 30 de junio de 2021.
Error en la cita: Existen etiquetas <ref> para un grupo llamado «nota», pero no se encontró la etiqueta <references group="nota"/> correspondiente.