Teen Wolf

Teen Wolf
Jatorria
Argitaratze-data	1985
Izenburua	Teen Wolf
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film komikoa, fantasiazko filma, teen film (en) eta komedia erromantikoa
Iraupena	90 minutu
Kolorea	koloretakoa
Zuzendaritza eta gidoia
Zuzendaria(k)	Rod Daniel
Gidoigilea(k)	Jeph Loeb (en) ; Tim Hayes (en)
Antzezlea(k)
	Michael J. Fox ; Lorie Griffin ; James Hampton ; Susan Ursitti ; Jerry Levine ; Mark Arnold ; Jay Tarses ; Scott Paulin ; Doug Savant ; Gregory Itzin ; Mark Holton ; Troy Evans ; Jim McKrell ; Matt Adler
Ekoizpena
Ekoizlea	Jeph Loeb (en) ; George W. Perkins (en) ; Thomas Coleman (en)
Konpainia ekoizlea	Metro-Goldwyn-Mayer
Edizioa	Lois Freeman-Fox (en)
Bestelako lanak
Musikagilea	Miles Goodman
Argazki-zuzendaria	Tim Suhrstedt
Fikzioa
Kontakizunaren tokia	Nebraska
Argumentu nagusia	nerabezaroa eta deviance (en)
Bideoa	YouTube
kronologia

Teen Wolf (euskaraz Otso Nerabea) 1985eko Rod Daniel estatubatuar zinema zuzendariaren fantasiazko komedia filma bat da. Michael J. Fox, Lorie Griffin, James Hampton, Susan Ursitti, Jerry Levine, Mark Arnold, Jay Tarses eta Scott Paulin aktoreek antzeztu zuten. Otsogizonaren kondaira umorez ukitzen du.

Michael J. Fox aktoreak protagonista nagusi gisa antzeztu zuen lehenbiziko filma izan zen, naziorteko izar bilakatuz. Filmak izandako arrakastaren ondorioz izen berdineko Teen Wolf marrazki bizidun telesaila eta bi jarraipen izan zituen: Teen Wolf Too (1987) eta Teen Witch (1989).

Argumentua

Oharra: Atal honek istorio osoa edo amaiera argitzen du.

Scott Howard (Michael J. Fox) institutuan ikasi eta bertako saskibaloi taldean jokatzen duen nerabe bat da, txapelketa bat bera ere inoiz irabazi ez arren. Bere buruan konfidantza asko ez duen mutila da, gogokoa duen neska ohiko ilehori eder eta ustehandia denez, ez dio jaramonik egiten. Bera eta bere adiskideek jai bat ospatuko dute, baina Scott ondoezik jarri eta etxera itzuliko da, bertan sekulako harriduraz otsogizon batean bilakatu dela ohartuko da. Bere ahalmen fisiko berriak saskibaloi partiduetan nahiz kanpoan erabiliz, adiskide berriak eta neskak bere atzetik izatea lortu, ospea bereganatu eta institutuko izar bilakatuko da, aldiz, bere betiko lagunek ez dute bere aldaketa erradikala begi onez hartuko. Azkenean, ospea betiko ez dela eta benetazko zoriontasuna ez dakarrela ondorioztatuko du, hortaz, bera berez den bezala, otsogizon ahalmenik gabe, eta bere kaxaz taldekideekin batera txapelketa irabazten saiatuko da.

Aktoreak

Michael J. Fox: Scott Howard
Lorie Griffin: Pamela Wells
James Hampton: Harold Howard
Susan Ursitti: Lisa "Boof" Marconi
Jerry Levine: Rupert "Stiles" Stilinski
Matt Adler: Lewis
Kidus Henok: Michael (polizia ofiziala)
Jim McKrell: Rusty Thorne zuzendari ordea
Mark Arnold: Mick McAllister
Jay Tarses: Bobby Finstock entrenatzailea
Mark Holton: Chubby
Clare Peck: Hoyt andereinoa
Gregory Itzin: ingeleseko irakaslea
Doris Hess: zientzia irakaslea
Scott Paulin: Kirk Lolley
Elizabeth Gorcey: Tina
Melanie Manos: Gina
Doug Savant: Brad
Troy Evans: Dragons taldeko entrenatzailea
Richard Brooks: Lemonade
Harvey Vernon: jan-eramangarri denda-jatetxeko langilea

Soinu banda

Soinu banda osatu zuten abestien artean honako hauek daude:

"Win in the End"
"Big Bad Wolf"
"Way to Go"
"Shooting for the Moon"

Kanpo estekak

Teen Wolf filmaren IMDBko fitxa irakurgai (Ingelesez)
Teen Wolf filmaren trailr edo iragarkia ikusgai. Youtube.com (Ingelesez)

Datuak: Q1067125