Semen-besikula

Semen-besikula
Xehetasunak
Hona; drenatzen du	Kanpoko iliakoaren linfa nodoetana
Arteria	inferior vesical artery (en)
Identifikadoreak
MeSH	A05.360.444.713
TA	A09.3.06.001
FMA	19386
	Terminologia anatomikoa

Semen-besikula, semen-guruina edo hazi-guruina^[1] semenaren edo haziaren osagai alkalinoa jariatzen duen arraren ernal aparatuko guruin gehigarri bikoitza da. Zenbait ornogabe eta behe-mailako ornodunetan, esperma metatzen duen organoa ere bada.

Giza-anatomia

Hazi-guruin bakoitza hodi biribilkatu bat da, hodi deferentearen jarraipena dena. Guruin bakoitzak luzeeran 5cm inguru neurtzen du, baina hodi biribilkatua luzatzen badugu 15cm-ko hodia lortzen da. Bilaterala da eta maskuria hondoaren eta ondeste artean kokatuta dago, prostataren goikaldean eta hodi deferenteen kanpoko alboetan. Kanpotik, epitelio jariakorraz estalita dago. Honek, substantzia nutritibo batzuetan aberatsa den material mukoidea, prostaglandina- eta fibrinogeno-kopuru handiak jariatzen ditu. Guruinetik ateratzen den konduktua hodi deferentearekin bat egingo du eta hodi isurlea sortu, hau azkenean, prostatan zabalduko da.

Isurtze-prozesuan zehar, semen-besikula bakoitzak bere eduki alkalinoa (pH 7,5 ingurukoa) hodi isurlera husten du, hodi deferenteak espermatozoideak hustu eta denbora gutxira. Horrek nabarmen handitzen du semen eiakulatuaren bolumena (eiakulazio bolumenaren %70 inguru izango da guruinak jariatutakoa). Hazi-likidoaren fruktosak eta beste substantziek nutrizio-balio handia dute espermatozoide eiakulatuentzat. Honi esker, espermatozoideak bere bidea egin dezakete obulua aurkitu arte.

Odoleztapena

Arteria

Hazi-guruina beheko maskuria arteria odoleztatuko du. Arteria hau barneko arteria iliakoaren adar zuzena izango da.

Zaina

Beheko maskuria zaina jasoko du hazi-guruinaren odola. Hemendik barneko zain iliakora pasa ostean, beheko kaba zainean drainatuko du odola. Beheko kaba zainetik bihotzaren eskumako aurikulara sartuko da odola.

Linfa

Kanpoko eta barneko nodo iliakoetara drainatuko du linfa soberakina.

Hazi besikulen gaixotasunak

Hazi guruinen gaixotasun ohikoenak hazi guruinen agenesia edo kisteak^[2] dira. Semen-besikuleko kistek sortzetiko anomalia urologikoa ^[2]osatzen dute; ez dira asko ematen.

Erreferentziak

↑ Drake, Richard L., Ph.D.. (2010). Gray anatomía para estudiantes. (2a ed. argitaraldia) Elsevier ISBN 978-84-8086-671-2. PMC 688355950. (Noiz kontsultatua: 2021-12-09).
↑ ^a ^b Navalón Verdejo, P.; Pallas Costa, Y.; Cánovas Ivorra, J. A.; Ordoño Domínguez, F.; Torre Abril, L. de la; Fabuel Deltoro, M.. (2006-02). «Sobre el diagnóstico y tratamiento de la displasia quística de la vesícula seminal» Actas Urológicas Españolas 30 (2): 152–158. ISSN 0210-4806. (Noiz kontsultatua: 2021-12-09).

Kanpo estekak

Datuak: Q217259
Multimedia: Seminal vesicles / Q217259

[1] Drake, Richard L., Ph.D.. (2010). Gray anatomía para estudiantes. (2a ed. argitaraldia) Elsevier ISBN 978-84-8086-671-2. PMC 688355950. (Noiz kontsultatua: 2021-12-09).

[#1-2] Navalón Verdejo, P.; Pallas Costa, Y.; Cánovas Ivorra, J. A.; Ordoño Domínguez, F.; Torre Abril, L. de la; Fabuel Deltoro, M.. (2006-02). «Sobre el diagnóstico y tratamiento de la displasia quística de la vesícula seminal» Actas Urológicas Españolas 30 (2): 152–158. ISSN 0210-4806. (Noiz kontsultatua: 2021-12-09).

[1]

[2]

i e a Giza ugal-aparatua
Emakumearena	Alua Ezpain handiak Ezpain txikiak Baginako bestibulua Klitoria Mokoa Moko-azala Bartholinen guruinak Himena Bagina Umetokia Zerbixa Umetoki-tronpa Obulutegia Skeneren guruina G puntua
Gizonarena	Eskrotoa Barrabilak Epididimoa Kordoi espermatikoak Hodi deferenteak Semen-besikulak Hodi isurleak Uretra Prostata Guruin bulbouretralak Zakila Mokoa Haria Moko-azala Perineoko errafea
Giza sexualitatea