Rafael Casanova

Artikulu hau kataluniar abertzaleari buruzkoa da; beste esanahietarako, ikus «Casanova».

Rafael Casanova
Irudi gehiago
Q8350052 1713 - 1714 ← Manuel Flix i Ferreró (en) - baliorik ez →
Bizitza
Jaiotzako izen-deiturak	Rafael Casanova y Comas
Jaiotza	Moià, 1660
Herrialdea	Katalunia
Heriotza	Sant Boi de Llobregat, 1743ko maiatzaren 2a (82/83 urte)
Hezkuntza
Hizkuntzak	gaztelania katalana
Jarduerak
Jarduerak	abokatua, legelaria, militarra eta politikaria
Gradua	koronel
Sinesmenak eta ideologia
Erlijioa	katolizismoa

Rafael Casanovaren omenez egindako monumentua, Bartzelonako udaletxean

Rafael Casanova i Comes katalan abertzalea izan zen (Moia, 1660 - Sant Boi de Llobregat, 1743ko maiatzaren 2a). 1706an Bartzelonako conseller tercer hautatu zuten eta zazpi urte geroago, Borboikoek hiria Bartzelonako setioan setiatu zutenean, conseller en cap edo alkatea zen artean, Bartzelonako defentsa antolatu zuen. 1714ko irailaren 11n Bartzelonako harresietan agertu zen, eskuan Santa Eulaliaren bandera zeramala, Kataluniaren askatasuna galarazi nahi zuten Borboiko osteei aurre egiteko asmotan, baina larriki zauritu zuten. Bartzelona errenditu zenean, lagunek Casanova hila zela esan zuten, eta horrela salbatu ahal izan zuten alkatea. 1719an itzuli zen Bartzelonara, eta 1737an Sant Boi de Llobregaten erretiratu zen behin betiko. Casanova Kataluniako abertzaleen sinbolo bihurtu zen, eta XIX. mendearen bukaeraz geroztik, bere omenez eraikiriko oroitarriaren inguruan biltzen dira irailaren 11n, Diada egunean.

Ikus gainera

• Bartzelonako setioa (1713-1714)
• Kataluniako Egun Nazionala

Erreferentziak

Wikimedia Commonsen badira fitxategi gehiago, gai hau dutenak: Rafael Casanova

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q2749514
• Multimedia: Rafael Casanova i Comes / Q2749514