Notorious (1946ko filma)

Notorious (1946ko filma)
	Irudi gehiago
Jatorria
Argitaratze-data	1946
Izenburua	Notorious
Jatorrizko hizkuntza	ingelesa; frantsesa; portugesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	espioitza-filma, Zinema beltza, film dramatikoa eta political thriller film (en)
Iraupena	102 minutu
Kolorea	zuri-beltzekoa
Deskribapena
Honen parte da	National Film Registry (en)
Zuzendaritza eta gidoia
Zuzendaria(k)	Alfred Hitchcock
Gidoigilea(k)	Ben Hecht; Alfred Hitchcock; Clifford Odets; John Taintor Foote
Antzezlea(k)
	Cary Grant ; Ingrid Bergman ; Claude Rains ; Louis Calhern ; Reinhold Schünzel (mul) ; Moroni Olsen (en) ; Lenore Ulric ; Leopoldine Konstantin (mul) ; Ivan Triesault ; Ricardo Costa (mul) ; Antonio Moreno ; Friedrich von Ledebur ; Gavin Gordon ; Virginia Gregg ; Alexis Minotis ; Charles D. Brown ; Bess Flowers ; Harry Hayden ; Alfred Hitchcock ; George Lynn ; Frank Marlowe ; Francis McDonald ; Bert Moorhouse ; Emmett Vogan ; Frank Wilcox ; Fay Baker
Ekoizpena
Ekoizlea	Alfred Hitchcock
Konpainia ekoizlea	RKO Pictures
Edizioa	Theron Warth (en)
Ekoizpen-diseinatzailea	Albert S. D'Agostino (en)
Bestelako lanak
Musikagilea	Roy Webb
Argazki-zuzendaria	Ted Tetzlaff; Robert Capa
Fikzioa
Kontakizunaren tokia	Rio de Janeiro
Argumentu nagusia	Espioitza
Historia
Nominazioak	Taldeko gizonezko aktore onenaren Oscar Saria ; 19th Academy Awards (en) ; Claude Rains; Jatorrizko gidoi onenaren Oscar Saria ; 19th Academy Awards (en) ; Ben Hecht

Notorious (euskaraz Nabarmen) 1946ko Alfred Hitchcock ingeles zinema zuzendari eta ekoizleak zuzendu eta ekoiztutako espioitza thriller filma bat da. Cary Grant, Ingrid Bergman eta Claude Rains aktoreek antzeztu zuten.

Filmak espioitza istorioa kontatzeaz gain, gizonezko eta emakumezkoen harremana bateko gorabeherak erakusten ditu. Gainere, filmak ospea baldin badu, ordurarte zinemaren historian pantailaratu zen musu luzeena agertu zelako da, Cary Grant eta femme fatale delakoaren papera antzezten duen Ingrid Bergman aktorearen artekoa, ordurarteko Ekoizpen Kodeak ez baitzuen hiru segunduko muga iragaten zuen musurik pantailaratzea uzten. Filma honetako musualdi edo musukatzeek bi minutu eta erdi iraun zuen, kritikari askoen arabera "beharbada musu intimo eta erotikoena" izan omen zen.

Bsstalde, Claude Rains aktore bikainak burututako nazi ofizial ohiaren paperari esker Gizonezko bigarren aktore onenaren Oscar Sariaren izendapena jaso zuen. Filma, Brasilgo Rio de Janeiro hirian girotuta dago.

Argumentua

Oharra: Atal honek istorio osoa edo amaiera argitzen du.

Bere zoritxarrerako, Alicia Huberman (Ingrid Bergman) ospetsu bilakatu da, Bigarren Mundu Gerra ondoren bere aita espioi nazia izanik AEBei traizio egiteagatik zigortua izan baita. Handik gutxira, Aliciak etxean festa bat ospatu eta gonbidatuen artean Devlin (Cary Grant) izeneko gizon bitxi eta erakargarri bat bertaratuko da. Bien arteko adimen eta nortasun talka baten ondoren, Devlinek Aliciari CIAko agente bat dela aitortu eta espioitza naziaren burua den Alexander Sebastian (Claude Rains) atzematen lagun diezaiola eskatuko dio. Alicia Devlinetaz maitemindu denez, baiezkoa eman eta Sebastianianen harreta eta adiskidetasuna bereganatzen saiatuko da. Baina betebehar horretan gero eta gehiago sartuz doan einean, bere bizitza arriskuan jartzen ari dela jabetuko da.

Hitchcocken agerpen laburra

Hitchcocken filma gehienetan bezala honetan ere kameo edo agerpen laburra burutu zuen, hain zuzen, ere ingeles zinema zuzendaria filma hasi eta ordu batera jazotzen den Sebastianen etxaldeko festan gonbidatu gisa zerbitzarien mahaiaren aurrean eta champagnea edanez agertzen da, Grant eta Bergmanen pertsonaiak hara hurbilduz doazen einean. Gerora, jada 1950eko hamarkadatik aurrera Alfred Hitchcock Presents telesailari esker AEBtan oso ospetsu bilakatu izaneren ondorioz, bere agerpen mitikoak filman zehar izatetik filmaren hasierako minutuetara pasarazi zituen, modu horretan ikuslearen harreta filmaren argumentutik aldendu ez zedin.

Aktoreak

Cary Grant: T.R. Devlin
Ingrid Bergman: Alicia Huberman
Claude Rains: Alexander Sebastian
Leopoldine Konstantin: Anna Sebastian andrea
Louis Calhern: Paul Prescott kapitaina, AEBtako Zerbitzu Sekretuetako ofiziala
Moroni Olsen: Walter Beardsley, AEBtako Zerbitzu Sekretuetako ofiziala
Ricardo Costa: Julio Barbosa doktorea
Reinhold Schünzel: Anderson doktorea, konspiratzailea nazia
Ivan Triesault: Eric Mathis, konspiratzaile nazia
Eberhard Krumschmidt: Emil Hupka, konspiratzaile nazia
Alexis Minotis (kredituetan Alex Minotis): Joseph, Sebastianen etxezaina
Wally Brown: Hopkins jauna
Sir Charles Mendl: komodorea
Fay Baker: Ethel

Iruzkina

Hitchcocken maisulan handienetakotzat jo izan ohi da, filma aurreruntz doan einean eta modu harrigarrian argumentuaren gakoak ere berrituz baidoaz. Espioitza istorio bat ardatz hartuz, bi profil ilun dituzten protagonisten arteko maitasun harremanarekin nahasten da, ondorioz maila mekaniko nahiz iradokizunen aldetik egitura bikaina osatuz. Bere erritmoak sekuentzia ahaztuezinak dauzka, tartean giltzena edota amaierako ihesarena.

Kanpo estekak

Notorious filmaren IMDBko fitxa irakurgai (Ingelesez)

Datuak: Q587419
Multimedia: Notorious (1946 film) / Q587419

i e a Alfred Hitchcocken filmografia
1920ko hamarkada	Number Thirteen (1922, amaitugabea) • The Pleasure Garden (1925) • The Mountain Eagle (1926; galdua) • The Lodger: A Story of the London Fog (1927) • The Ring (1927) • Downhill (1927) • The Farmer's Wife (1928) • Easy Virtue (1928) • Champagne (1928) • The Manxman (1929) • Blackmail (1929)
1930eko hamarkada	An Elastic Affair (1930; galdua) • Juno and the Paycock (1930) • Murder! (1930) • Mary (1931) • The Skin Game (1931) • Number Seventeen (1931) • Rich and Strange (1931) • Waltzes from Vienna (1934) • The Man Who Knew Too Much (1934) • The 39 Steps (1935) • Agent secret (1936) • Sabotage (1936) • Young and Innocent (1937) • The Lady Vanishes (1938) • Jamaica Inn (1939)
1940ko hamarkada	Rebbeca (1940) • Foreign Correspondent (1940) • Mr. & Mrs. Smith (1941) • Suspicion (1941) • Saboteur (1942) • Shadow of a Doubt (1943) • Lifeboat (1944) • Spellbound (1945) • Notorious (1946) • The Paradine Case (1947) • Rope (1948) • Under Capricorn (1949)
1950eko hamarkada	Stage Fright (1950) • Strangers on a Train (1951) • I Confess (1953) • Dial M for Murder (1954) • Rear Window (1954) • To Catch a Thief (1955) • The Trouble with Harry (1955) • The Man Who Knew Too Much (1956) • The Wrong Man (1956) • Vertigo (1958) • North by Northwest (1959)
1960ko hamarkada	Psycho (1960) • The Birds (1963) • Marnie (1964) • Torn Curtain (1966) • Topaz (1969)
1970eko hamarkada	Frenzy (1972) • Family Plot (1976)
Telesaila	Alfred Hitchcock Presents (1955-1965)
Laburmetraiak	Always Tell Your Wife (1923) • Elstree Calling (1930) • Aventure malgache (1944) • Bon Voyage (1944)