Lardizabal jauregia

Lardizabal jauregia
	Kultura ondasuna
	Alde Zaharra
	Lardizabal jauregiaren ikuspegi orokorra.; Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Segura
Koordenatuak	43°00′31″N 2°15′08″W / 43.00867°N 2.25231°W
Historia eta erabilera
Eraikuntza	XVII. mendea
Jabea	Segurako Udala
Erabiltzailea	Segurako Udala
Arkitektura
Estiloa	arkitektura barrokoa
Ondarea
BIC	RI-51-0001566
	56
Kontaktua
Helbidea	Lardizabal, 5

Lardizabal jauregia Gipuzkoako Segura udalerriko Alde Zaharrean dagoen jauregi bat da, Martin Lardizabal kaleko 8. zenbakian. Gipuzkoako kultura ondasuna izendatua dago. Gaur egun udaletxea da.

XVII. mendean eraikitako gipuzkoar jauregi klasikoaren adibide garbia da. Bere aurrealdea harlanduz egina da eta gainontzeko aldeak harginlanez. Bi solairuko garaiera du eta lau uretako teilatua.

Lardizabaldarren armarria ikusgai du, familia honetako senide nabarmenen jaiotetxea izan zen: Joan Antonio Lardizabal Elortza (Salamancako unibertsitateko katedraduna eta 1733an Mexikoko Artzapezpikua izendatua izatean zendua), Martin Lardizabal Elortza (aurrekoaren anaia, Segurako ongile handienetakoa, Salamancako unibertsitateko Kode katedraduna, eta Caracasko komandante jenerala, 1743an zendua), eta Ignazio Lardizabal (Lehen Karlistaldian jeneral karlista izana. 1849ko urtarrilaren 24ean Irunen zendua).

Leinukoa izan zen halaber, nahiz eta Mexikon jaioa izan, Migel Lardizabal Uribe. 1811an Espainiako Errege Kontseiluko ordezkaria izan zen, baita Bergarako Errege Mintegiko zuzendaria ere.