Kanariar palmondo

Kanariar palmondo
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Erreinua	Plantae
Ordena	Arecales
Familia	Arecaceae
Leinua	Phoeniceae
Generoa	Phoenix
Espeziea	Phoenix canariensis; Chabaud

Kanariar palmondoa (Phoenix canariensis) Arecaceae familiako palmondo bat da, jatorria Kanariar Uharteetan duena. Datil-palmondoaren (Phoenix dactylifera) hurbileko senidea da.

Kanariarekin batera, Kanarietako ikur ofizialetako bat da.

Ezaugarriak

Hosto iraunkorreko zuhaitz handia da kanariar palmondoa: 20 m garai izatera izan daiteke. Adaburua tamaina handikoa da, eta hosto -palma- luze eta ugari ditu.

Zurtoina – Azala

Palmondoaren zurtoin luze eta bakarrak estipe izena du. Enborra gorantz hazten da -palmondo mota guztietan bezala-, eta ez zeharka; hori dela eta, palmondo guztiek enbor bakarra eta luzea dute, baina ez alboko adarrik. Gorantz bakarrik hazten da, ez zabalean.

Zurtoinak zartadura horizontalak ditu: azpiko hostoek erortzean, utzitako seinaleak dira. Azala marroi-grisa da.

Hostoak

Palmondoaren hostoak oso handiak eta pinatuak dira: 150-200 inguru foliolo dituzte -zurrunak eta puntazorrotzak-.

Loreak

Palmondo mota hau zuhaitz dioikoa da, eta panikula horiak, handiak eta zintzilikariak osatzen dituzte loreek.

Fruituak

Fruitua -drupa erakoa- laranja kolorekoa da, eta sorta ederretan sortzen da. Lehorra eta janezina da, eta urtebete behar du heltzeko.

Habitata

Kanariar Uharteetan du jatorria palmondo mota honek. Izotzik gabeko klima epelak, eta udaren eta neguaren artean tenperatura alde handirik ez duten klimak dituzte berezkoak palmondoek; hau da, klima tropikalak eta ekuatorialak.

Euskal Herrian lorategi batzuetan aurki ditzakegu, eguteran.