Irvine (Eskozia)

Irvine Irbhinn Irvin
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Iparraldeko Ayrshire
Posta kodea	KA11–KA12
Geografia
Koordenatuak	55°37′10″N 4°39′40″W
Azalera	16 km²
Altuera	0 m
Demografia
Biztanleria	33.698 (2011) 0 (2011)
Dentsitatea	2.106 bizt/km²
Informazio gehigarria
Telefono aurrizkia	01294
Ordu eremua	UTC±00:00
Hiri senidetuak	Uddevalla (en)
irvineayrshire.org

Artikulu hau Eskoziako hiriari buruzkoa da; beste esanahietarako, ikus «Irvine».

Irvine, Eskoziako gaeleraz: Irbhinn eta eskozieraz: Irvin, Eskozia hego-mendebaldeko udalerria da, Iparraldeko Ayrshire eskualdeko hiriburua. 2011ko erroldaren arabera 33.698 biztanle ditu. Mendebaldean dagoen Kilwinningekin batera 50.000 biztanletik gora osatzen du.

Geografia

Irvineko badiaren ertzean dago, Clydeko fiordoan. Hondartza zabalak ditu eta Arran uhartearen ikuspegi itzela. Irvine ibaia itsasoratzen da bertan. Annick erreka arrantzaleku ezaguna da.

Historia

Herriaren ondoan dagoen Dreghorn herrixka Europan etengabe populatua izan den toki zaharrenetakoa da, Mesolito garaikoa baita. Burdin Aroan ere gotorlektuak ugari izan ziren inguruan.

Erdi Aroan Eskoziako eskualde garrantzitsuenetakoa izan zen, bertan baitzegoen Militarren egoitza nagusia eta Lord High Constable of Scotland buruzagia, horregatik Eskoziako lehenengotako hiriburua izan zen. 1372an errege burgo titulua eskuratu zuen Ayrrekin borroka baitzuen Cunninghame eta Largseko baroierrien jabegoa lortzeko. Garai hartan hiru aintzira zeuden inguruan, Trindlemoss, Scotts eta Irvine, baina XVII mendearen bukaeran drainatu egin ziren.

Irvineko kaia Eskoziako garrantzitsuenetakoa izan zen baina Glasgowko merkatariek Greenock eta Port Glasgow hobetsi zituztenean gainbehera iritsi zitzaion. Ontziola bat ere bazuen Bigarren Mundu Gerra garaira arte iraun zuena.

1960 hamarkadan Eskoziako beste hainbat hirirekin gertatu zen bezala 1966an Irvine berria (New Town) planifikatu zuen gobernuak. 1970 hamarkadan zerbitzuak gehitu ziren eta ofizialki 1996an bukatu zen New Town-en zabalkundea.

Iruditegia

• 
  Eliza.
• 
  Seagate gaztelua.
• 
  Kalea.
• 
  Robert Burns olerkariaren estatua.
• 
  Irvine ibaia.
• 
  Annick erreka.
• 
  Trindlemoss.

Irvinetar ezagunak

• Nicola Sturgeon, politikaria
• Jack McConnell, politikaria

Herri eta hiri senidetuak

• Saint-Amand-les-Eaux (Frantzia)

Kanpo estekak

• Datuak: Q1774629
• Multimedia: Irvine, North Ayrshire / Q1774629