Hanns Martin Schleyer

Hanns Martin Schleyer
Irudi gehiago
Bizitza
Jaiotza	Offenburg, Badengo Dukerri Handia eta Alemaniar Inperioa, 1915eko maiatzaren 1a
Herrialdea	Alemania
Heriotza	Mulhouse eta Frantzia, 1977ko urriaren 18a (62 urte)
Hobiratze lekua	Ostfilder cemetery (en)
Heriotza modua	giza hilketa
Hiltzailea	Armada Gorriaren Frakzioa
Familia
Ezkontidea(k)	Waltrude Schleyer (en)  (1939 -  1977)
Hezkuntza
Heziketa	Innsbruckeko Unibertsitatea Heidelbergeko Unibertsitatea
Hezkuntza-maila	doktoretza Staatsexamen (en)
Hizkuntzak	alemana Volapük
Jarduerak
Jarduerak	politikaria, legelaria, ofizierra, managerra, lobbyist (en) eta fabricator (en)
Enplegatzailea(k)	Daimler-Benz  (1951 -  1977) Confederation of German Employers' Associations (en)  (1973ko abendua -  1977ko urria) Bundesverband der Deutschen Industrie (en)  (1977ko urtarrilaren 1a -  1977ko urria)
Kidetza	Schutzstaffel National Socialist German Students' League (en) Hitleriar Gazteria Corps Suevia Heidelberg (en)
Zerbitzu militarra
Gradua	Untersturmführer (en)
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Alemaniako Langile Alderdi Nazionalsozialista Alemaniako Batasun Demokrata Kristaua

Hanns-Martin Schleyer (Offenburg, Baden, 1915eko maiatzaren 1a – Mulhouse inguruan, 1977ko urriaren 18a) nazi ohia eta SSko ofiziala izana, Bigarren Mundu Gerra amaitzean, hiru urte soilik egin zituen espetxean. Espetxetik ateratakoan, Alemaniako patronaleko burura eramango zuen bidea hasi zuen enpresa munduan. Alemaniar industrial Elkarteko presidentea izan zen eta ezkerraren aurrean oso ospe txarra izan zuen bere muturreko liberalismoaren ondorioz. Armada Gorriaren Frakzioa taldeak bahitu hilabete eta erdi eta hil egin zuen.

Nazi militantea

1931tik 1933ra Hanns-Martin Schleyer Hitleriar Gazteriaren kidea izan zen. Ondoren, 1932ko uztailaren 1ean, Schutzstaffelen sartu zen, SS Untersturmführer mailarekin. 1933an Zuzenbidea ikasten hasi zen Heidelbergeko Unibertsitatean. Corps Suevia anaitasunarekin elkartu zen, unibertsitateko anaitasun batekin. Corps Sueviak kide juduak kanporatzeari uko egin zionean, Schleyerrek anaitasuna utzi zuen. Ikasketetan, ikasle nazien mugimenduarekin konprometituta egon zen. 1937an, formalki batu zen NSDAPera. Heidelbergo eta Anschlussko Unibertsitateetan karguak izan zituen. Bigarren Mundu Gerran, Schleyer Mendebaldeko Frontean egon zen denbora batez. Lepoan zauritua izan zen. 1945eko maiatzaren 5ean, Schleyerrek hiritik ihes egin zuen, Pragako altxamendua lehertu zenean.

1945etik 1948ra Schleyerrek Frantziako gerrako preso gisa atxilotu zuten, SSetan tenienteorde (Untersturmführer) maila izan zuelako. 1948an Mendebaldeko Alemaniara aberriratu zuten. 1949an Baden-Badeneko Merkataritza Ganberako idazkari bihurtu zen eta bere ibilbidea industrian hasi zen.

Bahiketa

Vincezstrasse kalean Schleyer bahitu zuten.

1977ko irailaren 5ean, Alemaniar Industrien Elkarteko presidentea zen Hanns Martin Schleyer Armada Gorriaren Frakzioa taldeak bahitu zuen. Ume-kotxea agertu zen bat-batean autoaren aurrean eta txoferrak geratu beharra izan zuen. Hain azkar gertatu zen dena, atzean zetorren eskoltak ezin izan zuela gauza bera egin eta Schleyerren autoarekin talka egin zuen. Bost maskaratuk egin zien tiro poliziei eta txoferrari eta enpresaria eraman zuten. Gobernu Federalari bidalitako gutunak 11 atxilotuen askatasuna eskatzen zuen, Stammheimeko epaiketakoak tartean. Krisi-kabinetea bildu zen Bonnen, Helmut Schmidt kantzelaria buru eta ez zuten amore eman nahi izan, luzatzeko aitzakiak baizik, poliziak Schleyer aurkitu ahal izateko beta izan zedin. Bundeskriminalamt-ek ("Ikerketa Kriminalaren Bulego Federala") ordura arteko sarekada handiena burutzen zuen. Aldi berean, Stammheimeko espetxean atxilotuak isolatu zituzten erabat eta gobernuko funtzionarien edo presondegiko agintarien bisitak besterik ezin izan zituzten jaso.

Urriaren 18an, Hanns Martin Schleyer exekutatu zuen Armada Gorriaren Fakzioa talde armatu alemaniarrak. Egun berean, Lufthansaren 101 hegaldiaren bahiketaren porrota gertatu berri, talde armatu honetako lau kide hilik agertu ziren beren zeldetan. Espetxezainek hil zituztela esan zuen zeldan labankada jaso baina bizirik atera zen kide batek.

Ikus, gainera

• Alemaniar Udazkena

Kanpo estekak

• Datuak: Q58758
• Multimedia: Hanns Martin Schleyer / Q58758