Barney Gumble
Barney Gumble | |
---|---|
Simpsondarrak | |
Argitalpena | |
Sortzailea | Matt Groening |
Ageri den obrak | ikusi
|
Datu biografikoak | |
Jaiotza-izena | Barnard Arnold Gumble |
Jaiotza | , 1956ko apirilaren 20a |
Herrialdea | Springfield |
Sexua | Mutila |
Jarduera | hegazkinlaria |
Barnard "Barney" Gumble Simpsondarrak telesail animatuko fikziozko pertsonaia bat da. Springfield hiriko alkoholikoa da.
Deskribapena
[aldatu | aldatu iturburu kodea]Homer Simpsonen lagun honena da txikitatik. Beti dago Moeren tabernan, garagardoa gustatzen zaiolako. Edateari utzi zion Dan Castellanetak idatziriko "Days of Wine and D'oh'ses" kapituluan, eta edan gabe hainbat denboralditan zehar egon zen. Barney-k ia denbora guztian korroka egiten du, edaten duen alkohol kopuru handiaren ondorioz.
Matt Groening marrazkilariak sortua izan zen, eta hau Pablo Marmol Los Picapiedra telesaileko pertsonaian inspiratu zen. Bere telebistako debuta 1989ko abenduak 17an egin zuen "Simpsons Roasting on an Open Fire: The Simpson's Christmas Special" kapituluan. Familia nagusiaz gain, telesailean agertzen lehenetariko pertsonaia izan zen, eta ordutik hainbat kapitulu berezi izan ditu.
Pertsonaiaren ahots originala Dan Castellaneta-rena da. Espainian 1-23 denboraldien artean Luis Marín-en ahotsa izan zuen, 24-28 denboraldien artean Miguel Zúñiga eta 29tik aurrera Juan Carlos Lozanorena.
Simsondarrak telesailean duen papera
[aldatu | aldatu iturburu kodea]Barney Gumble apirilak 20an jaio zen, Homer-ek dion bezala "Viva Ned Flanders" kapituluan, Adolf Hitler-en urtebetetzearekin koinziditzen duelarik, eta "A star is Burns" kapituluan, berak dio 40 urte baino gehiago dituela. Bere aita, Arnie, Bigarren Mundu Gerrako beteranoa zen, 1979an hil zena karroza desfile batean. Bere amaren inguruan Norvegian bizi dela edo bizi zela dakigu. Kapitulu batean berak dio urte batzuetan zehar dantza modernoa eta klakea ikasi zituela.
Bere alkoholismoaren arrazoia bi kapitulutan agertzen da, baina bakoitzean arrazoi bat aipatzen da. "Mr. Plow" kapituluan Homer eta Barney agertzen dira, gazteak zirela, eta Barney Harvard unibertsitatera sartzear zegoela. Orduan, Homer-ek garagardo bat ematen dio, eta Barneyk osorik edaten du, bere arazoa horrela hasten delarik. Gainera kapitulu honetan Barney argala dago, eta alkoholismoa izango litzateke ondoren lodi egotearen arrazoia. "She used to be my girl" kapituluan ordea, Barney bere neskalagun ohiak utzi ondoren edaten hasi zela agertzen da.
Pertsonaia
[aldatu | aldatu iturburu kodea]Sorkuntza
[aldatu | aldatu iturburu kodea]Hasiera batean, sortzaileek Barney Homer-en bizilagun eta laguna izatea nahi zuten, baina azkenean alkoholiko bihurtu zuten, eta bizilagun papera Ned Flanders-i eman zioten. Groening-ek esan zuen Barney ez zenez Simpson familiaren bizilaguna, ahalik eta pertsonaia patetikoena bilakatzen saiatu zirela.
Lehen denboraldian, Barneyk ile horia zuen, baina honek bere azalaren kolorearekin koinziditzen zuen, eta sortzaileek ile horia Simpson familiak soilik edukitzea nahi izan zuten; beraz, bigarren denboralditik aurrera ile marroia jarri zioten. Rich Moore izan zen bere apartamentua sortu zuena, bere etxe propioan inspiratu zelarik hau egiteko.
Harrera eta produktuak
[aldatu | aldatu iturburu kodea]Filmcritic.com web orriak hemezortzigarren postuan jarri zuen bere "Zinema eta telebistako betiko hogeitabat alkoholiko hoberenak" zerrendan. IGN-k, ordea, bere "Simpsondarrakeko 25 bigarren pertsonaia hoberenak" zerrendan bosgarren postuan jarri zuen.
Playmates Toys jostailu fabrikak telesaileko pertsonaien panpina kolekzioa atera zuen "World of Springfiel" izenekoa, eta bertan Barney-ren hiru figura ezberdin agertzen dira.
Jakingarriak
[aldatu | aldatu iturburu kodea]- Kapitulu batean helikopteroa gidatzen ikasi zuen.
- Txikitan, bera, Homer eta beste ume batzuk garagardoa edan zuten eta zuhaitz baten aurrean Barneyk honakoa esan zuen: "Ez dugu inoiz ere garagardoa edango"; baina gero nagusitan ez zuten hori bete.
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]