The Andrews Sisters
| The Andrews Sisters | |
|---|---|
| |
| Persona informo | |
The Andrews Sisters (La Fratinoj Andrews) estis usona " malferma harmonia " [1] knabina grupo en ĵazo, svingo kaj popmuziko. La grupo estis aktiva de 1932 ĝis 1966 kaj havis sukcesojn kiel You're Beautiful with Me, Rum and Coca-Cola kaj Boogie Woogie Bugle Boy.
La triopo konsistis el la tri fratinoj:
- LaVerne Sofie (kontralto, naskita la 6an de julio 1911 en Mineapolo, Minesoto - la 8an de majo 1967 en Brentwood, Kalifornio ), Alt
- Maxene Angelyn (alta harmonio, naskita la 3an de januaro 1916 en Mineapolo - la 21-an de oktobro 1995 en Hyannis, Masaĉuseco), dua soprano
- Patricia Marie (Patty Marie) (ĉefvoĉo, naskita la 16-an de februaro 1918 en Mound, Minesoto - la 30-an de januaro 2013 en Los-Anĝeleso, Kalifornio), unua soprano
Vivo
[redakti | redakti fonton]Ĉiuj tri naskiĝis en Minesoto. La patro estis enmigrinto de Grekio kaj la patrino estis norveg-usona.
Kariero
[redakti | redakti fonton]Ili komencis sian karieron kiel imitantoj de alia sukcesa kantgrupo, The Boswell Sisters. En 1937, post ses jaroj "survoje", kantinte kun diversaj dancbandoj kaj turneado de vodevilo, la knabinoj havis sian unuan sukceson, kun la helpo de la sukceso en la jida kanto " Bej Mir Bist Du Ŝejn ", kiu estis registrita de la diskokompanio "Deka" kaj vendis 350 mil ekzemplerojn. La sukceso kreskigis ilin al steluleco kaj igis ilin la unua ina grupo iam en Usono se temas pri ricevi " ordiskon ". Dum multaj jaroj la Andrews Sisters estis konsiderita la plej populara ina grupo de ĉiuj tempoj.
Dum la periodo de la Dua Mondmilito, Ilia muziko amuzis al Aliancitaj fortoj. Ili vendis militobligaciojn, aperis en pluraj filmoj (inkluzive de kelkaj Abbott kaj Costello- filmoj) kaj prezentis por soldatoj servantaj eksterlande. Ilia unua filmo kun Abbott kaj Costello, la antaŭmilita komedio Buck Privates, prezentis ilian plej konatan registraĵon, Boogie Woogie Bugle Boy.
Ili ankaŭ surbendigis multajn kantojn kun Bing Crosby, inter ili multajn el liaj Kristnaskaj sukcesoj, kiel Jingle Bells. Estis malkovrite post la milito ke ilia muziko ankaŭ estis kontrabandita en Germanion (kamuflita kun novaj etikedoj, kiel ekzemple "La Favorataj Marŝoj de Hitlero").
Post mallonga restado post la milito, la fratinoj daŭrigis, prezentante en kluboj tra Usono kaj Eŭropo. Ili ĉesis kiel grupo en 1953, kaj tiam Patty elektis daŭrigi sole. Ilia lasta apero kune estis en 1966 en The Dean Martin Show.
Malmultaj viraj kaj inaj grupoj alproksimiĝis al la impona sukceso ĝuita de la fratinoj Andrews en la periodo inter la malfruaj 1930-aj jaroj kaj fruaj 1950-aj jaroj, tempo kiam bigband-orkestroj kaj solludaj kantistoj donis la tonon. Ilia optimisma stilo kontribuis al instigado de laboretoso dum la militaj jaroj, kaj iliaj kantoj ĝuis enorma sukceso. La triopo vendis pli ol 100 milionojn da diskoj, kaj estas memoritaj de tiu tempo vestitaj en armeuniformoj ludantaj la kanton "Boogie Woogie Bugle Boy" kiu iĝis ilia varmarko [2].
Referencoj
[redakti | redakti fonton]- ↑ kie la intervaloj inter la voĉoj estas malgrandaj, tiel ke la akordoj kreitaj per kombinado de la voĉoj estas disvastigitaj sur la minimuma ebla intervalo. Ĉi tiu stilo kutime karakterizis la vira barberŝopa muziko .
- ↑ The Andrews Sisters | Biography, Albums, Streaming Links, AllMusic
Eksteraj ligiloj
[redakti | redakti fonton]- Oficiala retejo (enarkivigis)
- The Andrews Sisters ĉe Interreta filma datumbazo (angle)
- Patty: The Andrews Sisters ĉe Interreta filma datumbazo (angle)
- Maxene: The Andrews Sisters ĉe Interreta filma datumbazo (angle)
- LaVerne: The Andrews Sisters ĉe Interreta filma datumbazo (angle)
- La Andrews Fratinoj ĉe MNopedia
- Andrews Fratinoj ĉe Voĉa Grupa Halo de Famo
- La Andrews Fratinoj ĉe Discography de usonaj Historiaj Diskoj