La tavetaoj estas etno loĝanta en la distrikto Taveta en sudcentra Kenjo. La ĉefurbo de la distrikto Taveta ankaŭ nomiĝas Taveta. La tavetaa lingvo estas bantua lingvo. La tavetaoj miksas sin kun aliaj etnoj, nome la taitaoj, kambaoj, ĉagaoj kaj masajoj. Per siaj oftaj kontaktoj kun alietnanoj, la plej multaj tavetaoj parolas flue la svahilan kiel duan lingvon kaj ofte ankaŭ iom la anglan aŭ aliajn lingvojn de la regiono.
