Super Mario
| Super Mario | |
|---|---|
|
| |
| Disvolvo | Nintendo Entertainment Analysis & Development |
| Eldoninto | Nintendo |
| Distribuo | Nintendo |
| Platformo | Nintendo 3DS |
| Ĝenro | platforma videoludo |
Super Mario (スーパーマリオ Sūpā Mario?) estas serio de platformaj videoludoj, kreata de Nintendo, en kiu troviĝas la fama rolulo Mario. Ĝi estas la ĉefa serio de la seriaro de ludoj Mario (aliaj serioj estas Mario Kart, Mario Party, sportludoj, rolludoj, ktp). Almenaŭ unu ludo de la serio Super Mario aperis en ĉiu grava videoludilo de Nintendo.
La ludoj ĉefe okazas en la fikcia Mushroom Kingdom (angle, esperantigebla Funga Reĝlando aŭ Ĉampinjona Reĝolando), kie Mario estas ludebla rolulo. Li ofte estas akompanata de sia frato Luigi [luiĝi] kaj de aliaj oftaj roluloj. Kiel en aliaj platformaj videoludoj, oni devas kuri kaj salti sur diversajn plataĵojn por atingi la finon de nivelo. La niveloj grupiĝas en mondoj, kaj ĉiu mondo havas sian propran temon, kiel dezerta aŭ glacia mondo. Diversaj malamikoj troviĝas en la niveloj, do Mario (aŭ alia rolulo) devas eviti aŭ venki ilin per diversaj potencoj.
La ludoj havas simplan intrigon. Ofte, Mario devas savi la princinon Peach [pi:ĉ] el la ĉefa maliculo, kiu estas plej ofte Bowser [baŭzer]. La unua ludo de tiu serio, Super Mario Bros., aperis por la Nintendo Entertainment System (NES) en 1985, kaj difinis multajn elementojn de la ludserio mem, sed ankaŭ de la platforma tipo de videoludoj ĝenerale.
Ludoj
[redakti | redakti fonton]- Super Mario Bros. (1985)
- Super Mario Bros.: The Lost Levels (1986)
- Super Mario Bros. 2 (1988)
- Super Mario Bros. 3 (1988)
- Super Mario Land (1989)
- Super Mario World (1990)
- Super Mario Land 2: 6 Golden Coins (1992)
- Super Mario All-Stars (1993) (aro de antaŭaj ludoj)
- Super Mario World 2: Yoshi's Island (1995)
- Super Mario 64 (1996)
- Super Mario Bros. Deluxe (1999) (refaro)
- Super Mario Advance (2001) (refaro)
- Super Mario Advance 2: Super Mario World (2002) (refaro)
- Super Mario Sunshine (2002)
- Super Mario Advance 3: Yoshi's Island (2002) (refaro)
- Super Mario Advance 4: Super Mario Bros. 3 (2003) (refaro)
- Super Mario 64 DS (2004)
- New Super Mario Bros. (2006)
- Super Mario Galaxy (2007)
- New Super Mario Bros. Wii (2009)
- Super Mario Galaxy 2 (2010)
- Super Mario 3D Land (2011)
- New Super Mario Bros. 2 (2012)
- New Super Mario Bros. U (2012)
- New Super Luigi U (2013)
- Super Mario 3D World (2013)
- Super Mario Maker (2015)
- Super Mario Run (2016) (por poŝtelefonoj)
- Super Mario Odyssey (2017)