Recklinghausen
| Recklinghausen | |||||||
| |||||||
| |||||||
| urbego • large district town • Hansa urbo • ĉefurbo de distrikto en Germanio • urba komunumo de Germanio | |||||||
|---|---|---|---|---|---|---|---|
| |||||||
| Administrado | |||||||
| Federacia lando | Nordrejn-Vestfalio | ||||||
| Distriktaro | Distriktaro Monastero | ||||||
| Distrikto | Distrikto Recklinghausen | ||||||
| Urborajtoj | Urbo (Stadt) | ||||||
| Telefona antaŭkodo | 02361 | ||||||
| Poŝtkodo | 45601–45665 | ||||||
| Aŭtomobila kodo | RE | ||||||
| Oficiala Municipokodo | 05562032 | ||||||
| Politiko | |||||||
| Adreso de la administrejo | Rathausplatz 3 45655 Recklinghausen | ||||||
| Demografio | |||||||
| Loĝantaro | 111734 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 51° 37′ N, 7° 12′ O (mapo)51.6166666666677.2Koordinatoj: 51° 37′ N, 7° 12′ O (mapo) | ||||||
| Alto super la marnivelo | 85 m | ||||||
| Areo | 66 km² | ||||||
| Oficiala retejo | https://www.recklinghausen.de/ | ||||||
Recklinghausen estas urbo en la pleja nordokcidento de la federacia lando Nordrejn-Vestfalio de Germanio, ĉe la norda rando de la tre industria Ruhr-regiono. Ĝi apartenas al la distrikto Recklinghausen, la germana distrikto kun plej da loĝantoj, kaj estas ties administra centro kaj senkonkurence plej granda urbo. Fine de decembro 2022 la urbo havis 111 734 loĝantojn. Ekde la lokaj elektoj de 25.05.2014 Christoph Tesche estas la urbestro de la urbo Recklinghausen.
Partneraj urboj
[redakti | redakti fonton]
Preston en Britio, ekde la jaro 1956
Douai en Francio, ekde la jaro 1965
El Progreso en Honduro, ekde 1966 (helpa partnereco)
Dordrecht en Nederlando, ekde 1974
Akko en Israelo, ekde 1978
Schmalkalden en Turingio (Germanio), ekde 1989
Bytom en Pollando, ekde 20000
Muzeoj
[redakti | redakti fonton]- Muzeo pri la historio de la poŝto Friedrich Maurmann
- La muzeo pri Ikonoj estas la plej signifa kolekto de ortodokse kristana arto en la okcidenta mondo.
- La Vestisches Museum prezentas kristanan arton el la regiono, la urban kaj landan historion.
- La Kunsthalle (arta halo) Recklinghausen montras modernan arton.
- La muzeo Umspannwerk Recklinghausen - "elektro kaj vivo" en historia industria konstruaĵo, kiu iam estis kurentoŝanĝejo, bildiĝas la historio de homa uzo de la elektro.
Konstruaĵoj
[redakti | redakti fonton]
La historia urbokerno de Recklinghausen estas grandparte konservita. La historie plej grava konstruaĵo kaj simbolo de la urbo estas la katolika preĝejo Sankta Petro. Pliaj vidindaj konstruaĵoj estas restoj de la mezepoka remparo, la fortikaĵo Engelsburg Recklinghausen, la urbodomo konstruita dum 1908 kaj la festivalejo de la ĉiujara kultura evento Ruhrfestspiele. Du karbominejaj turoj de la urbo iĝis industriaj monumentoj: la turoj de la minejoj "Recklinghausen II" kaj "General Blumenthal".
Brika konstruaĵo de la dana artisto Per Kirkeby staras antaŭ la memorejo pri la viktimoj de la Dua Mondmilito ĉe la historia pordego Lohtor rande de la urbocentro. La artaĵo, 26 metrojn longa kaj 6 metrojn alta, konsistas el ses grandaj kaj sep etaj arkoj kaj estas integrita en la trotuaron.