Petrus Forestus

Petrus Forestus
(1521-1597)
Petrus Forestus; (1521-1597)
	Verko pri uroskopio, eldonita de Peter van Foreest, en 1589
Persona informo
Naskiĝo	1521; en Alkmaar, Nederlando
Morto	10-a de marto 1597; en Alkmaar, Nederlando
Lingvoj	latina vd
Loĝloko	Oude Delft 147, Delft vd
Ŝtataneco	Habsburga Nederlando vd
Alma mater	Universitato de Bolonjo; Universitato de Loveno; Universitato de Padovo; Universitato de Ferrara; Universitato de Venecio; Universitato de Lejdeno
Familio
Patro	Jorden van Foreest (en) vd
Gefratoj	Jacob van Foreest (en) , Nanning van Foreest (en) , Dirk van Foreest (en) kaj Jan van Foreest (en) vd
Profesio
Okupo	kuracisto ; universitata instruisto ; klasikisto ; persona kuracisto vd
Laborkampo	Medicino vd
vd	Fonto: Vikidatumoj
	v • d • r

Pieter van Foreest estis nederlanda kuracisto, unu el la plej elstaraj de la Nederlanda Respubliko. La nederlanda Hipokrato dum 37 jaroj okupis kuracistan postenon en la urbo Delft. Van Foreest rompis la kutimon fidi siajn traktaĵojn sur historiajn tekstojn, kaj anstataŭe li sekvis siajn proprajn observojn. Li registris siajn observojn en longa serio da publikaĵoj. Dum multaj jaroj post lia morto, multaj kuracistoj daŭre uzis liajn sciojn kaj lertecon. Li estis vere moderna kuracisto por sia epoko.

Biografio

Bildo de Pieter van Foreest, pentrita inter 1586 kaj 1600, far Hendrick Goltzius (1558-1617).

Bildo de Pieter van Foreest, kaj Andreas Vesalius.

Petrus Forestus estis filo de Jorden van Foreest (1494-1559) kaj Margaretha Beyers (c1495-1546)^[2], filino de Nanning van Foreest (1529-1592). Li ricevis fruan lernadon en siaj hejmurbo en la Latina Lernejo de Alkmaar. Li lernis medicinon kun Andreas Vesalius en Padovo kaj Berengario da Carpi en Bolonjo.

Ĉirkaŭ 1536 li komencis studi en la Universitato de Loveno. En 1540 li komencis la tiam konata ‘’peregrinatio Academica’’, ia eduka vojaĝo en kiu li vizitadis diversajn Eŭropajn universitatojn ĝis kiam li gradiĝis pri medicino. Dum tri jaroj li restis en Bolonjo, poste li studis en Padovo, Universitato de Venecio kaj Ferrara. En la 29-a de novembro 1543 li diplomiĝis en la Universitato de Bolonjo. Tiam li laboris kelkatempe en Romo kaj Parizo. En 1546, li reiris al Alkmaar, kie li ekpraktikis medicinon. En 1546, li edziĝis al Eva van Teijlingen (1525 – 1595).

En 1558, Forestus nomumiĝis kuracisto de la urbo Delft, posteno kiun li okupis dum pli ol 37 jaroj. Post tio, Forestus ripete estis konsultita de membroj el la princa familio.

Forestus estis invitita de la Kuratoroj de la ĵus fondita Universitato de Lejdeno por ĉeesti la inaŭguran ceremonion en la 8-a de februaro 1575. Li partoprenis en la festa procesio kiel ‘’doktoro kaj profesoro pri medicino’’ kaj restis en Lejdeno ĝis la 12-a de februaro kiel signanto de la statutoj de la nova universitato. Post tio li reiris al Delft. Li plej ŝatis sian medicinan praktikon, kaj neniam decidis pri ia akademia pozicio.

Post la murdo de la Princo Vilhelmo la Silentulo, en la 10-a de julio 1584, Forestus estris la nekropsian procedon same kiel la embalzamigon kune kun sia amiko Cornelius Busennius (1542-1600). Krom tio ili faris ampleksan raporton pri la nekropsio al la Ŝtatoj de Nederlando.

Petrus Forestus mortis en la 10-a de marto 1597. Tiuepoke li estis 75-jaraĝa. Liaj restaĵoj sepultiĝis en la Granda Preĝejo de Sankta Laŭrenco, en Alkmaar en la 13-a de marto 1597. La lasta linio sur lia tomboŝtono tekstas: ‘’ Hippocrates batavus si fuit ille fuit’’ (Se iam estis nederlanda Hipokrato, tiu homo estis li.

Verkaro

Epilepsie in de zestiende eeuw, (Epilepsio en la 16-a jarcento)
Prognosticatie ofte Almanach voor den jare 1557, 1556
Observationes et curationes medicinales ac chirurgicae, 1623
De humana felicitate libellus, (Libreto pri la homa feliĉo), Johannes Heurnius, 1596
Het onzeker ende bedrieghlick oordeel der wateren (La necerta kaj trompa juĝo de la akvoj), 1626
Observationum et curationum medicinalium sive medicinae theoricae & practicae libri ..., 1614
De Scorbuto malo cognoscendo et curando, loco exempli aliorum morborum ad Jordanum Forestum et Adamum Forestum, qui sese medicinae addixerunt, 1590
Observationum et curationum medicinalium, 1589
Uromanteia, das ist, ... Bericht von den vielfaltigen ..., 1620
Domini Petri Foresti ... Obseruationum et curationum ..., 1653
De tumoribus praeter naturam, 1610
Alcmariani Observationvm et Cvrationum Medicinalivm, 1599
De venenis. De fucis (Pri la venenoj, pri la farboj), 1606

Literaturo

Vidu ankaŭ

Referencoj

Kategorio Petrus Forestus en la Vikimedia Komunejo (Multrimedaj datumoj)

[1] Deutsche Digitale Bibliothek

[2] Familypedia

[1]

[2]

Petrus Forestus (1521-1597)
Verko pri uroskopio, eldonita de Peter van Foreest, en 1589

Persona informo
Naskiĝo	1521 en Alkmaar, Nederlando
Morto	10-a de marto 1597^[1] en Alkmaar, Nederlando
Lingvoj	latina ^vd
Loĝloko	Oude Delft 147, Delft ^vd
Ŝtataneco	Habsburga Nederlando ^vd
Alma mater	Universitato de Bolonjo Universitato de Loveno Universitato de Padovo Universitato de Ferrara Universitato de Venecio Universitato de Lejdeno
Familio
Patro	Jorden van Foreest ^(en) ^vd
Gefratoj	Jacob van Foreest ^(en) , Nanning van Foreest ^(en) , Dirk van Foreest ^(en) kaj Jan van Foreest ^(en) ^vd
Profesio
Okupo	kuracisto universitata instruisto klasikisto persona kuracisto ^vd
Laborkampo	Medicino ^vd
^vd	Fonto: Vikidatumoj
v • d • r