Peridoto

Ne konfuzu ĉi tiun artikolon kun Peridotito.

Peridoto
Ĝeneralaĵoj
Kategorio	Vario de olivino
Ĥemia formulo	(Mg,Fe)2SiO4
Identeco

En geologio, peridoto estas magnezio-plena, gemkvalita vario de olivino.

Priskribo

Olivino estas kontinuaĵo de mineralaj varioj de la formulo (Mg,Fe)₂SiO₄: la magnezio-plena fino de la kontinuaĵo nomiĝas forsterito; la fero-plena fino, fajalito. Peridoto estas la nomo de tiu vario de olivino, kiu estas pli magnezio-plena ol fero-plena, kiu estas travidebla kaj gemkvalita.

Peridoto estas verda gemo; la verda koloro devenas de la fera enhavo. Pli flavetaj varioj nomiĝas krizolito.

• 
  Poluritaj peridotoj kiel gemoj
• 
  Peridoto el Pakistano
• 
  Peridoto el Egiptio
• 
  Kolĉeno de peridotoj kaj diamantoj

Lokoj

Ĉefaj minejoj de la peridoto

Peridoto troviĝas ĉefe en Usono, Pakistano, Birmo, kaj Ĉinio.

Historio

La termino peridoto devenas de la franca péridot, de necerta origino.

Dum la Mezepoko en Eŭropo, oni kredis, ke peridoto enhavis kuracajn povojn kontraŭ deprimo. La peridoto estas la gemo asociita al la monato Aŭgusto.

Eksteraj ligiloj

• Peridot (angle). Gem Encyclopedia. Gemological Institute of America.

Vidu ankaŭ

• Olivino
• Krizolito