Orera

Orera
municipality of Aragon (en) vd
Flago	Blazono
Administrado
Poŝtkodo	50331
Demografio
Loĝantaro	103 (2023) [+]
Loĝdenso	5 loĝ./km²
Geografio
Geografia situo	41° 18′ N, 1° 29′ U (mapo)41.2986902-1.4794652Koordinatoj: 41° 18′ N, 1° 29′ U (mapo) [+]
Alto	736 m [+]
Areo	19,823812 km² ( 198 2.3 812 ha) [+]
Horzono	UTC+01:00 [+]
	Orera (Provinco Zaragozo)
	Situo de Orera
	Orera (Hispanio)
	Situo de Orera
Alia projekto
	Vikimedia Komunejo Orera [+]
	v • d • r

Orera [oREra] estas municipo de Hispanio, en la sudoriento de la komarko Comunidad de Calatayud kies ĉefurbo estas Calatayud, en la sudo de la Provinco Zaragozo (regiono Aragono).

Geografio

Orera estas municipa teritorio en la sudoriento de la komarko Comunidad de Calatayud, kie ĝi estas inter Belmonte de Gracián norde kaj Ruesca sude, Codos oriente kaj Sediles okcidente.

La loĝloko Orera mem estas je 94 km sudokcidente de Zaragozo, provinca kaj regiona ĉefurbo, je 18 km de Calatayud, sur 764 msm en la Iberia Sistemo, sur la valo de la rivero Perejiles iom oriente de la fluejo mem de la rivero.

Ĝi estas alirebla laŭ la ŝoseo A-1504. La plej proksimaj loĝlokoj estas Ruesca kaj Mara.

Historio

Alfonso la 1-a definitive konkeris la areon en 1120 post la konkero de Tarazona kaj Calatayud. Ĝi apartenis al la Komunumo de Domaroj de Calatayud.

Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Orera kie oni malaltiĝis ĝis nunaj 116 loĝantoj en 2021. Evidente elmigrado ĝenerale foriris al industriaj aŭ pli viglaj areoj kiel Zaragozo, kaj Calatayud.

Aktualo

Tradicia bazo de ekonomio estis agrikulturo (cerealoj, olivarboj, migdalarboj, kaj ĉefe ĉerizarboj kaj vitejoj), kaj brutobredado (kortobirdoj, ŝafoj kaj porkoj) kaj sekva nutrindustrio (ĉefe vinproduktado). Nune gravas ankaŭ natura, kultura kaj rura turismo.

Ĉefaj altiraĵoj estas la preĝejo de Sankta Jakobo kun mudeĥara sonorilturo, ermitejo de Sankta Ana kiel elstara rigardejo kaj naturaj lokoj ĉefe ĉe la rivero.