Mineja lago (Rudabánya)
| Mineja lago de Rudabánya | ||
|---|---|---|
 Aerfoto pri Mineja lago en Rudabánya
| ||
| lago | ||
| Situo | Borsod-Abaúj-Zemplén, Hungario | |
| Ĉefaj fontoj | ne estas | |
| Ĉefaj elfluoj | ne estas | |
| Datenoj | ||
| Koordinatoj | 48° 23′ 37″ N, 20° 38′ 15″ O (mapo)48.39351487352820.637564166192Koordinatoj: 48° 23′ 37″ N, 20° 38′ 15″ O (mapo) | |
| ||
 Mineja lago de Rudabánya | ||
| Maksimuma longo | 160 m | |
| Maksimuma larĝo | 19 m | |
| Maksimuma profundo | 36 m | |
La mineja lago (Rudabánya) (hungare Rudabányai bányató) estas tre profunda kaj impona artefarita lago en norda Hungario ĉe vilaĝo Felsőtelekes. Tamen la nomo ligiĝas al eksa minado de Rudabánya.
Historio
[redakti | redakti fonton]En tiu loko oni minadis ercojn ekde 1880. En 1985 ĉesis la minado, poste oni faris la necesajn likvidajn laborojn. Ĝuste tiam kreiĝis la lago, ĉar plene ĉesis la forpumpado de la akvoj. La elfosaĵoj ricevis akvojn plejparte de subteraj grundaj akvoj, iomete de pluvoj. Ekde la 2000-aj jaroj la turismo profitas la lagon kiel celo por fotadi kaj ĝui la naturon. Oni establis promenejon kaj elvidejon.
Akvo
[redakti | redakti fonton]Koloro de la akvo estas bluverda, turkisa, pro la profundo la temperaturo estas malvarma, sub 15 metrojn 6°C. Naĝado en la lago estas danĝera kaj tial malpermesita. La akvo havas plurajn solvitajn metalojn (kupron, barion, feron, manganon, iomete hidrargon, plumbon, aluminion). Pro la ercoj la akva vegetaĵo estas malriĉa.
La lago havas nek enfluejon, nek elfluejon.