Listo de majaaj ruinoj

Iama imperio de la majaoj

La Listo de majaaj ruinoj montras la ĝis nun konatajn kaj arkeologie pristuditajn ruinejojn de la majaoj. Troviĝas en ĝi kaj iam loĝitaj lokoj, kaj nur religiaj lokoj (ceremoniejoj kaj oferejoj). La imperio de la majaoj kaj la nomitaj ruinoj troviĝas en la nuna regiono de la ŝtatoj:

• Meksiko (sur la duoninsulo Jukatano)
• Belizo
• Gvatemalo
• Honduro (en la okcidento)
• Salvadoro (en la nordo)

La majaoj ekloĝis en la regiono verŝajne jam ĉirkaŭ 10.000 a.K., la unuaj vilaĝoj estas datumitaj je ĉirkaŭ 2.000 a.K..

Informoj pri historio kaj vivo de la majaoj troviĝas en la ĉefartikolo Majaoj.

La listo estas alfabeta laŭ la nomo de la ruinoj.

Lando	Nomo	Regiono	Ekloĝigo	Priskribo	Bildo
Gvatemalo	Aguateca	Peten	250	Estas unu el la plej bone konservitaj lokoj en Gvatemalo
Belizo	Altun Ha	Belizo	-200	13 temploj (la plej alta 16 metrojn alta) kaj loĝejoj
Meksiko	Bonampak	Chiapas	600	Pluraj temploj kun eksterordinaraj murpentraĵoj
Meksiko	Cacaxtla	Tlaxcala	400	La centro de la urbo estas 200 metrojn longa kaj 25 metrojn alta altaĵo
Belizo	Cahal Pech	Cayo	-1000	34 religiaj kaj loĝejaj konstruaĵoj, 2 pilkludejoj kaj ŝvitbano
Meksiko	Calakmul	Campeche	200	Pli ol 6.000 konstruaĵoj kaj 45 metrojn alta piramido
Belizo	Caracol	Cayo	-1200	La plej alta konstruaĵo estas 34 metrojn alta piramido; dum la kulmino loĝis tie ĉirkaŭ 120.000 ĝis 180.000 homoj
Salvadoro	Cerén	San Salvador	400	Estis kovrita en la jaro 600 post vulkanerupcio per 5 metrojn da cindroj, same kiel Pompejo
Belizo	Cerros	Corozal	-330	3 grandaj akropoloj ĉirkaŭitaj de pluraj placoj kaj piramidoj; la plej alta konstruaĵo estas 22 metrojn alta
Meksiko	Chichén Itzá	Jukatanio	500	Templourbo kun diametro de ĉirkaŭ unu kilometro; la ĉefa konstruaĵo estas la piramido El Castillo
Gvatemalo	Cival	Peten	-600	27 metrojn alta ŝtupopiramido ĉirkaŭita de temploj kaj placoj
Meksiko	Coba	Quintana Roo	600	5 konstruaĵaroj kun 47 metrojn alta piramido
Meksiko	Comalcalco	Tabasco	800	Plej okcidenta templejo de la majaa kulturo kun ĝis nun pli ol 300 identigitaj strukturoj
Honduro	Copán	Copán	160	Grandaj temploj, piramidoj, altaroj, pilkludejo, steleoj, reliefoj kaj monumenta hieroglifŝtuparo
Belizo	Cuello	Orange Walk	-2000	Trovaĵoj de la plej malnovaj majaaj loĝejoj
Gvatemalo	Dos Pilas	Peten	629	Fondita kiel gvardejo de Tikal - poste malamiko de Tikal
Meksiko	Dzibilchaltún	Jukatanio	-900	Ruinoj de ĉirkaŭ 8.000 konstruaĵoj; la plej fama el ili la templo de la sep pupoj
Meksiko	Ek Balam	Jukatanio	inter 100 kaj 300	La akropolo estas unu el la plej granda de la majaoj
Gvatemalo	El Mirador	Peten	-1000	La plej granda majaa metropolo de la antaŭklasika erao kun du grandaj piramidoj (72 kaj 55 metrojn altaj)
Belizo	El Pilar	Cayo	-500	Pli ol dek grandaj piramidoj, 25 placoj kaj aliaj konstruaĵoj
Meksiko	Kabah	Jukatanio	-300	Piramidoj, palacoj, triumfarkoj kaj palaco de la maskoj
Gvatemalo	Kaminaljuyu	Gvatemalurbo	-1500	Pli ol 100 altaĵoj kaj tombejoj rande de la ĉefurbo Gvatemalurbo
Meksiko	Kohunlich	Quintana Roo	-200	Konstruaĵoj de Rio-Bec-stilo, ekzemple la palaco de la maskoj
Gvatemalo	La Corona	Peten	ankoraŭ ne datumita	90x50cm granda kalkŝtona plato kun 140 skribsignoj
Meksiko	Labná	Jukatanio	700	Palaco, pordego kaj El Mirador en Puuc-stilo
Belizo	Lamanai	Orange Walk	-1500	Granda ĉeftemplo kaj cento da aliaj konstruaĵoj; estas unu el la plej longe kontinue loĝitaj majaaj urboj.
Belizo	Lubaantun	Toledo	700	Konstruaĵoj el kalkŝtonblokoj sen mortero
Meksiko	Maní	Jukatanio	-2000	Trovo de tri gravaj majaaj kodeksoj
Meksiko	Mayapan	Jukatanio	1000	400 konstruaĵoj, inter ili 114 temploj ĝis nun identigitaj
Gvatemalo	Nakbé	Peten	-1400	Du grandaj temploareoj kun temploj inter 40 kaj 72 metrojn altaj
Belizo	Nim Li Punit	Toledo	500	Ŝtupopiramidoj (la plej alta inter ili 12 metrojn alta) ĉirkaŭitaj de tri placoj
Meksiko	Palenque	Chiapas	500	Granda palaco kun pluraj temploj, akvedukto kaj belegaj tomboŝtonoj
Gvatemalo	Quiriguá	Izabal	200	Multaj skulptaĵoj kaj steleoj, la plej granda el ili 10 metrojn alta kaj 65 tunojn peza
Meksiko	Rio Bec	Campeche	600	Donis la nomon al la Rio-Bec-stilo, kiun karakterizas ŝajnturoj kaj ŝajnŝtuparoj
Salvadoro	San Andrés	La Libertad	-900	Estis forlasita post vulkanerupcio kaj nur ĉirkaŭ 6000 jarojn poste loĝita denove
Meksiko	Sayil	Jukatanio	600	85 metrojn longa kaj 3 etaĝojn alta palaco ĉirkaŭita de temploj kaj steleoj
Gvatemalo	Takalik Abaj	Retalhuleu	-800	80 konstruaĵoj kun pluraj placoj kaj preskaŭ 300 ŝtonmonumentoj kil steleoj aŭ altaroj
Salvadoro	Tazumal	Santa Ana	100	Kelkaj tomboj, piramidoj, palacoj
Gvatemalo	Tikal	Peten	-700	3.000 strukturoj kiel temploj, palacoj, pilkludejoj, altaĵoj, terasoj, placoj, akveduktoj, cisternoj kaj steleoj
Meksiko	Toniná	Chiapas	400	multaj surskribitaj steleoj, altaroj kaj stukofriso
Meksiko	Tulúm	Quintana Roo	600	Troviĝas sur kalkŝtonklifo, 12 metrojn super la Kariba Maro	Dosiero:Mexiko original 2004 005.JPG
Meksiko	Ŭmal	Jukatanio	700	Konstruaĵoj en Puuc-stilo kun konstruaĵoj sur homfaritaj esplanadoj
Meksiko	Xochicalco	Morelos	-200	Temploj, palacoj, pilkludejoj, ŝvitbanoj, bone konservita stelobservejo kaj belegaj reliefoj sur iaj konstruaĵoj
Belizo	Xunantunich	Cayo	200	25 temploj kaj palackonstruaĵoj
Meksiko	Yaxchilán	Chiapas	400	Granda nombro de skulptaĵoj, steleoj kaj pordoj

Bibliografio

• Nikolai Grube: Maya - Gottkönige im Regenwald, Könemann, Köln, 2000. ISBN 3-8290-1564-X
• Maria Longhena: Sprechende Steine, Marix, Wiesbaden, 2004. ISBN 3-937715-32-0
• Berthold Riese: Die Maya, C.H. Beck, München, 5. Auflage 2004. ISBN 3-406-46264-2
• Fachzeitschrift Maya - Inka - Azteken, Gruner und Jahr, Geo Epoche, Heft-Nr.: 15, Hamburg.