John Huchra
| John Peter Huchra | |
|---|---|
| Persona informo | |
| Nomo | John Peter Huchra |
| Dato de naskiĝo | 23-a de decembro 1948 |
| Naskiĝloko | Jersey City |
| Dato de morto | 8-a de oktobro 2010 |
| Mortoloko | Lexington |
| Aĝo je morto | 61 |
| Okupoj kaj profesioj | |
| Okupoj | astronomo kaj profesoro |
| Geografio | |
| Ŝtato | Usono |
| Ceteraj informoj | |
| Honorigo | Fellow of the American Physical Society [+] |
| Portalo pri Homoj | |
John Peter Huchra (naskiĝis la 23-an de decembro 1948 en Jersey City, mortis la 8-an de oktobro 2010 en Lexington) estis usona astronomo kaj profesoro
Filo de kondukisto de trajno kaj de hejmedzino, li kreskis en Ridgefield Park (vilaĝo en Kantono Bergen). Li interesiĝis pri kosmologio kaj sciencfikcio.
Li ricevis sian licencion pri fiziko de la Masaĉuseca Instituto de Teknologio (kie li estis ankaŭ ano de la teamo de lukto), daŭrigis sian lernadon en la Kalifornia Instituto de Teknologio kie li ricevis sian doktorecon (Ph. D.) pri astronomio. Li ricevis post-doktoran stipendion en la Harvard-Smithsonian Center for Astrophysics kaj restis tie kiel profesoro ĝis la fino de sia kariero.
Kun siaj kolegoj Marc Aaronson kaj Jeremy Mould, li anoncis, sur bazo de kalkuloj pri la lumeco kaj la rotacia rapideco de iuj spiralaj galaksioj, ke la aĝo de la universo estus nur 9 miliardoj da jaroj[1], ĉirkaŭ duono de la aĝo taksita de la plejparto de la astronomoj.
En 1986, kun Valérie de Lapparent kaj Margaret Geller, li publikigis pri la bizare neregula disdono de la galksioj en la skalo de plura dekoj da megaparsekoj sur baze de la unuaj rezultoj de la CfA du CfA Redshift Survey : de Lapparent, Geller kaj Huchra montris la galaksiojn kiel disdonitaj "sur la surfaco de strukturoj kun formo de sapvezikoj"[2]. En 1989, kun pli recentaj mezuroj, Geller kaj Huchra malkovris la Grandan Muron[3], filamento da galaksioj de 600 milionoj da lumjaroj de longo kaj 250 milionoj da lumjaro de larĝo. Tio estas la dua plej granda grandskala kosma strukturo nun konata.
Oni donis lian nomon al:
- La Lenso de Huchra, galaksio kies maso estigas fenomenon de gravita lenso tiel nomata Ejnŝtejna kruco, antaŭ la kvazaro G2237 + 0305
- La asteroido 4656 Huchra[4] malkovrita en 1978 de Eleanor Francis Helin kaj Schelte J. Bus.
Notoj kaj referencoj
[redakti | redakti fonton]- ↑ John Huchra Dies at 61; Maps Altered Ideas on Universe (John Huchra, morto 61-jara, mapis laŭ alia ideo la universon) (angle)
- ↑ de Lapparent, V.; Geller, M. J.; Huchra, J. P. : A slice of the universe (Sekco de la Universo) (angle)
- ↑ Vast Sheet of Galaxies Found In the Far Reaches of Space;`Great Wall' Largest Structure Detected in Universe (Tavolego da galaksioj trovita en malproksima kosmo : plej granda kosma strukturo trovita)[rompita ligilo] (el "The Washington Post") (angle)
- ↑ JPL Small-Body Database Browser 4656 Huchra (1978 VZ3) (angle)