Jaroměřice nad Rokytnou
| Jaroměřice nad Rokytnou | |||
| germane Jarmeritz | |||
| urbo | |||
 Vido al Jaroměřice el vojo al monteto Žabík
| |||
|
|||
| Oficiala nomo: Jaroměřice nad Rokytnou | |||
| Ŝtato |  Ĉeĥio
| ||
|---|---|---|---|
| Regiono | Regiono Vysočina | ||
| Distrikto | Distrikto Třebíč | ||
| Administra municipo | Jaroměřice n. Rokytnou | ||
| Historia regiono | Moravio | ||
| Montaro | Jeviŝovica montetaro | ||
| Memorindaĵo | Jaroměřice nad Rokytnou, kastelo | ||
| Rivereto | Rokytná | ||
| Situo | Jaroměřice nad Rokytnou | ||
| - alteco | 422 m s. m. | ||
| - koordinatoj | 49° 05′ 40″ N 15° 53′ 33″ O / 49.09444 °N, 15.89250 °O (mapo) | ||
| Areo | 51,36 km² (5 136 ha) | ||
| Loĝantaro | 4 085 (2024) | ||
| Denseco | 79,54 loĝ./km² | ||
| Unua skribmencio | 1325 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 675 51 | ||
| NUTS 3 | CZ063 | ||
| NUTS 4 | CZ0634 | ||
| NUTS 5 | CZ0634 590754 | ||
| Katastraj teritorioj | 7 | ||
| Partoj de urbo | 7 | ||
| Bazaj setlejunuoj | 12 | ||
  Situo enkadre de Ĉeĥio
| |||
 Vikimedia Komunejo: Jaroměřice nad Rokytnou
| |||
| Retpaĝo: www.jaromericenr.cz | |||
 Portalo pri Ĉeĥio
| |||
Jaroměřice nad Rokytnou estas urbo en Ĉeĥio situanta en Regiono Vysočina, distrikto Třebíč, 14 km sude de Třebíč. En 2024 vivis ĉi tie 4 085 loĝantoj.
La najbaraj municipoj de la setlejo estas Ostašov, Zvěrkovice, Rozkoš, Hostim, Lesůňky, Příštpo, Radkovice u Hrotovic, Výčapy, Dolní Lažany, Myslibořice, Bohušice, Lipník, Blatnice kaj Horní Újezd.
La urbo estas konata pro sia kultura heredaĵo, precipe pro la tiea baroka kastelo kun preĝejo de Sankta Margareta (ambaŭ proklamitaj kiel Naciaj kulturaj memorindaĵoj de Ĉeĥio) kaj pro loka agado de baroka komponisto František Václav Míča kaj poeto Otokar Březina.
Ekde 1999 ĝi estas okazloko de Internacia muzikfestivalo de Peter Dvorský.
Historio
[redakti | redakti fonton]
Sur loko loĝata jam ekde pratempo estis laŭlegende fondita vilaĝo en 1131. La unua skriba mencio pri ĝi tamen devenas nur el 1325.
En la loka kastelo estis en la jaro 1730 verkita la unua ĉeĥlingva opero „O původu Jaroměřic“ („Pri deveno de Jaroměřice“) de František Václav Míča, kortega komponisto kaj kapelestro de la grafo Johann Adam Questenberg, konata kiel mecenato de artoj.
Loĝantaro
[redakti | redakti fonton]| Jaro | Loĝantoj |
|---|---|
| 1869 | 3 891 |
| 1880 | 4 017 |
| 1890 | 4 154 |
| 1900 | 4 568 |
| 1910 | 4 801 |
| 1921 | 4 857 |
| Jaro | Loĝantoj |
|---|---|
| 1930 | 4 785 |
| 1950 | 4 123 |
| 1961 | 4 340 |
| 1970 | 4 136 |
| 1980 | 4 064 |
| 1991 | 3 982 |
| Jaro | Loĝantoj |
|---|---|
| 2001 | 4 106 |
| 2014 | 4 170 |
| 2016 | 4 199 |
| 2017 | 4 181 |
| 2018 | 4 175 |
| 2019 | 4 163 |
| Jaro | Loĝantoj |
|---|---|
| 2020 | 4 136 |
| 2021 | 3 909 |
| 2022 | 4 032 |
| 2023 | 4 086 |
| 2024 | 4 085 |
Vidindaĵoj
[redakti | redakti fonton]- ŝtata kastelo Jaroměřice nad Rokytnou kun ampleksa parko
- preĝejo de Sankta Margareta
- eksa malriĉulejo kun kapelo de Sankta Katarino el 1672
- eksmonaĥejo de servitoj el 1675-1679
- kapelo de Sankta Jozefo el 1701
- kolumno de Sankta Triunuo el 1716
- Boňov – loka parto de la urbo – kampara memorindaĵzono
-
ŝtata kastelo Jaroměřice nad Rokytnou -
kampara memorindaĵzono en Boňov -
eksmonaĥejo de servitoj -
kapelo de Sankta Jozefo
Muzeo de Otokar Březina
[redakti | redakti fonton]En la domo, kie la poeto Otokar Březina vivis ekde 1913 ĝis sia morto en 1929, en la strato Březinova n-ro 46, troviĝas muzeo omaĝe al lia vivo kaj verkaro. La ideon fondi la muzeon ekhavis liaj proksimaj geamikoj jam tuj post lia enterigo.
En la j. 1930 sur la domo estis inaŭgurita memortabulo de la skulptisto František Bílek. Ekde 1932 la muzeon ekmastrumis la nove fondita Societo de Otokar Březina. Tiutempe temis pri la unua literatura muzeo en Moravio.
La muzeo funkciis ankaŭ dum la dua mondmilito. Dum la komunisma reĝimo en la 50aj jaroj la Societo de O.B. estis malfondita kaj la muzeo kaj la konstruaĵo malprosperis. Nur post 1989 post ampleksa rekonstruo la muzeo estis 11.9.1993 solene remalfermita. Zorgas pri ĝi denove Societo de Otokar Březina, refondita en 1990.
En la unua etaĝo de la muzeo estas konservita loĝejo de la poeto kun originaj meblaro, bildoj, grafikaĵoj kaj plastaĵoj donacitaj de lia amiko skulptisto František Bílek, vitrinoj kun valoraj dokumentoj pri lia vivo kaj aliaj memoraĵoj. En la teretaĝo troviĝas studbiblioteko, muzea oficejo kaj ekspozicio pri historio de la muzeo kaj de la Societo kaj pluraj vitrinoj por okazigo de temaj ekspozicioj.
Ekde 2005 la muzeo estas proklamita kiel „Kultura memorindaĵo“. Ĝi malfermitas ekde aprilo ĝis oktobro ĉiutage krom lundo inter 9-11 kaj 14-16 h.
Literaturo
[redakti | redakti fonton]- Moravskobudějovicko. Jemnicko. Ed. Vladimír Nekunda, Jan Janák, Pavel Michna. Muzejní a vlastivědná společnost v Brně, 1997. Vlastivěda moravská (65. svazek) 846 s. ISBN 80-85048-75-2.
- JIČÍNSKÝ, P., NOVÁČEK, O., SUCHARDA, J. Malé dějiny Jaroměřic nad Rokytnou. PhDr. Jan Sucharda – JAS Hrotovice, 2002. 192 s. ISBN 80-238-9866-3.
| ||||