Gamma Ray
| Gamma Ray | |
|---|---|
| |
| Persona informo | |
| TTT | |
| Retejo | http://www.gammaray.org |
Gamma Ray (la angla por "gama-radio") estas germana potencmetala grupo, fondita de Kai Hansen kaj Ralf Scheepers en 1989, post kiam li forlasis Helloween. Hansen estas gitaristo kaj la nuna kantisto de la muzikgrupo. La basisto (estinte gitaristo) estas Dirk Schlächter kaj Henjo Richter estas alia gitaristo. Michael Ehré estas la nuna frapinstrumentisto kaj Frank Beck estas kantisto de 2015. Frue la kantisto estis Ralf Scheepers, kiu nun kantas por Primal Fear.
Gamma Ray ludas rapidan stilon de potenca metalo, ofte per draŝaj elementoj.
Historio
[redakti | redakti fonton]Hansen kaj Scheepers fondis la grupon en 1989, post Hansen forlasis Helloween dum la fino de 1988. Baldaŭ la aliaj anoj estos basgitaristo Uwe Wessel kaj frapisto Mathias Burchardt. La unua albumo de Gamma Ray estas Heading for Tomorrow, aperinte en 1990. Post tio la grupo ekhavis la novajn membrojn gitaristo Dirk Schlächter kaj frapinstrumentisto Uli Kusch.
La dua albumo estis Sigh No More, eldonita en 1991. Wessel kaj Kusch forlasis Gamma Ray en 1992. Jan Rubach estis la nova basgitaristo kaj Thomas Nack estis la nova frapinstrumentisto, ili ambaŭ venis de la potencmetal-grupo Anesthesia. Gamma Ray eldonis en 1993 sian trian albumon Insanity and Genius. Scheepers forlasis Gamma Ray post tiu albumo pro sia distanco de Hamburgo, kie la aliaj anoj loĝis. De tiam Hansen estos la ĉefkantisto.
Oni kreis Land of the Free en 1995, la kvara albumo, tre populara kaj sukcesa eldonaĵo kaj bone akceptita de kritikistoj. Michael Kiske kaj Hansi Kürsch estis gastkantistoj sur la albumo.