Wasseramt (distrikto)
| Distrikto Wasseramt | |
|---|---|
 | |
  | |
 | |
| Distriktoj de Kantono Soloturno | |
| Kantono | Soloturno |
| Ĉefloko | Kriegstetten |
| Geografia situo | CH1903: 610972 / 223977 (mapo)47.1666666666677.5833333333333Koordinatoj: 47° 10′ N, 7° 35′ O; CH1903: 610972 / 223977 (mapo) |
|
| |
| Nombro de loĝantoj | 48109 (2007-12-31) |
| Areo | 76,62 km² |
| Loĝantardenseco | 627,89 loĝantoj/km² |
| Federacia Kodo | 1106 |
Wasseramt estas distrikto de Kantono Soloturno en Svislando. Ĝi formas kune kun la Distrikto Bucheggberg la oficdistrikton Bucheggberg-Wasseramt.
Ciferoj
[redakti | redakti fonton]En la jaro 2007 la distrikto nombris 48 109 loĝantojn kaj konsistis el 21 komunumoj. Ĝia areo mezuras 76,62 km².
Geografio
[redakti | redakti fonton]La distrikto situas sude de la rivero Aro en la Svisa Mezlando en la sudo de de la Kantono Soloturno sur la flosebenaĵo de la suba parto de la rivero Emme. En oriento la distrikton kvazaŭ paralele al Emme trafluas la rivereto Oesch. Inter Oesch kaj Emme etendiĝas ampleksa kanalsistemo.
Trafiko kaj ekonomio
[redakti | redakti fonton]La tuta regiono estas forte industriigita kaj la sidejo de pluraj gravaj entreprenoj. Ĝin trapasas la naciaj aŭtoŝoseoj A1 kaj A1, la grava trajnlinio de Zuriko tra Olten, Soloturno, Bielo, Neŭŝatelo kaj Yverdon al Laŭzano kaj diversaj regionaj trajnlinioj.
Historio
[redakti | redakti fonton]La distrikto estis fondita en la jaro 1803 post la fino de la Helveta Respubliko. Ĝi estis nomita origine laŭ sia ĉefloko Kriegstetten distrikto Kriegstetten. Ĉar tiu-ĉi nomo neniam estis akceptita en la ĝenerala lingvouzo ĝi estis en la jaro 1981 oficiale anstataŭigita per la ĝis tiam duonoficiala popola nomo Distrikto Wasseramt, kio signifas en Esperanto Akvodistrikto. La nomo aludas al la du gravaj riveroj Aro kaj Emme kaj multnombraj riveretoj, kiuj unuflanke estis la fonto de la riĉeco de la regiono, liverante energion por la fabrikoj, sed aliflanke pro multaj inundoj ankaŭ regule kaŭzis problemojn.
Per la nova administra ordo la distriktoj Wasseramt kaj Bucheggberg estis kunigitaj ekde la 1-a de januaro 2005 al la oficdistrikto Bucheggberg-Wasseramt. La tradiciaj distriktoj restis kiel statistikaj subunuoj, la administraj funkcioj (unua instanca tribunalo, elektodistrikto ktp.) tamen estas centrigitaj en la nova oficdistrikto.
Komunumoj
[redakti | redakti fonton]La Distrikto Wasseramt konsistas aktuale el 20 politikaj loĝantar-komunumoj. Ili estas:
| Blazono | Nomo | Loĝantaro (2007-12-31) |
Areo en km² |
Komunumkodo |
|---|---|---|---|---|
|
Aeschi | 1177 | 5.42 | 2511 |
|
Biberist | 7949 | 12.24 | 2513 |
|
Bolken | 545 | 2.13 | 2514 |
|
Deitingen | 2125 | 7.63 | 2516 |
|
Derendingen | 6022 | 5.62 | 2517 |
|
Etziken | 786 | 3.38 | 2518 |
|
Gerlafingen | 4870 | 1.91 | 2519 |
|
Halten | 830 | 1.85 | 2520 |
|
Drei Höfe | 726 | 4.51 | 2535 |
|
Horriwil | 829 | 2.60 | 2523 |
|
Hüniken | 92 | 1.01 | 2524 |
|
Kriegstetten | 1217 | 1.13 | 2525 |
|
Lohn-Ammannsegg | 2550 | 4.46 | 2526 |
|
Luterbach | 3201 | 4.54 | 2527 |
|
Obergerlafingen | 1108 | 1.52 | 2528 |
|
Oekingen | 709 | 2.45 | 2529 |
|
Recherswil | 1712 | 3.33 | 2530 |
|
Subingen | 2893 | 6.22 | 2532 |
|
Zuchwil | 8764 | 4.67 | 2534 |
| Totale (20) | 48'109 | 76.62 | 1106 |
Iamaj komunumoj de la Distrikto Wasseramt
[redakti | redakti fonton]| Blazono | Nomo | Loĝantaro (2007-12-31) |
Areo en km² |
Komunumkodo |
|---|---|---|---|---|
|
Steinhof (la 1-an de januaro 2012 integrita al Aeschi) |
147 | 1.63 | 2531 |
|
Heinrichswil-Winistorf (la 1-an de januaro 2013 integrita al Drei Höfe) |
556 | 3.10 | 2521 |
|
Hersiwil (la 1-an de januaro 2013 integrita al Drei Höfe) |
178 | 1.41 | 2522 |
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Distrikto Wasseramt – (Kolekto de bildoj kaj plurmediaj dosieroj)
| ||||||
| ||||||