Amindaj

Amindaj
Amindaj en la 66-a Internacia Junulara Kongreso en Kubo
Bazaj informoj
Deveno	Contramaestre, Kubo
Ĝenroj	Kuba muziko
Aktivaj jaroj	2009 – nuntempo
Eldoninto	Vinilkosmo
Parencaj temoj	Esperanto-muziko
Retejo	Amindaj

Amindaj estas studenta esperantlingva muzikgrupo el Kubo, kiu debutis per serio de koncertoj dum la sinsekvaj 95-a Universala Kongreso de Esperanto en Havano kaj 66-a Internacia Junulara Kongreso de TEJO en Santa Cruz del Norte (2010). La grupo formiĝis la 30-an de aŭgusto 2009 en Contramaestre, danke al iniciato de instruistino Graciela Morgado Rodríguez, kaj konsistigas ĝin 11 studentoj kaj instruistoj de la arta lernejo en tiu urbo.

Inter la kantoj de Amindaj plej multaj estas verkitaj de Julián Hernández Angulo. Aliaj venas de diversaj famaj kubaj verkistoj. La grupon estras kontrabasisto Yoandris Baños Carrión.

Post aparta sukceso dum la kongresoj de 2010, la grupo ekplanis eldoni kompaktdiskon kun sia muziko. Por akiri financajn rimedojn por tiu ĉi celo, Ana Montesinos de Gomis kaj Łukasz Żebrowski lanĉis dum IJK 2010 specialan monkolektan kampanjon. La disko, Amindaj, estis eldonita en oktobro 2011.

Membroj

2011

Membroj de Amindaj dum registrado de muzikalbumo Amindaj:

• Graciela Morgado Rodríguez - Ĝenerala direktorino kaj reprezentanto
• Abdel Cabrera Hierrezuelo - direktoro, violono
• Carlos Rafael Lolo Mendoza - muzika direktoro, aranĝisto, kuba treso
• Yoandris Baños Carrión - kontrabaso
• Yamir Sánchez Fajardo - gitaro
• Salvador Guillermo Gómez Parra - perkutiloj, kongaoj, bongoj, sonorilo
• Amilkar Fajardo Morgado - etaj perkutiloj, marakoj, guajo kaj guiro (kalabas-raspilo)
• Guillermo Sánchez Cordero - voĉoj, kantisto
• Adaelsi Castellanos Pérez (Adita) - dancistino
• Gricel Ramírez Cardoza - dancistino

Somero 2010

Membroj de Amindaj dum UK 2010 kaj IJK 2010:

• Adaelsi Castellanos Pérez (Adita) - dancistino
• Amilkar Fajardo Morgado - marakoj
• Bárbara Sánchez García - fluto
• Dianelis Santos Martínez - kantistino
• Grisel Ramírez Cardosa - dancistino
• Guillermo Sánchez Cordero - kantisto
• Karlo Rafael Lolo Mendoza - treso
• Salvador Guillermo Gómez Parra - perkutiloj
• Yasdenis Sola Castellanos (Tita) - kantistino
• Yamir Sánchez Fajardo - gitaro
• Yoandris Baños Carrión - kontrabaso

Fontindikoj

• Żebrowski, Łukasz: Amindaj estas Kubanoj In Esperanto, n-ro 1239 (9), Septembro 2010

Eksteraj ligiloj

• Amindaj Arkivigite je 2011-10-24 per la retarkivo Wayback Machine ĉe Vinilkosmo
• "Lasu la malĝojon flugi" - filmeto registrita dum IJK 2010
• "Amindaj koncertas en la 66-a IJK" - la tuta IJK-koncerto

• Amindaj ĉe Spotify