Dabo

Dabo (cebue kaj tagale: Dabaw; hispane: Dávao) estas grava urbo de la Filipinoj. Ĝi okupas la nordan parton de la provinco Suda Dabo, sed estas administre memstara.

Dabo
tre urbanizita urbo vd
Flago	Blazono
Devizo: Love, Peace, and Progress (amo, paco kaj progreso)
Administrado
Lando	Filipinoj
Regiono	Daba Regiono
Provinco	Suda Dabo
Ĝemelurboj Ĉilun vd
Poŝtkodo	8000
Telefonkodo	82
Retpaĝaro	www.davaocity.gov.ph
Politiko
Urbestro	Sara Duterte Carpio
Demografio
Loĝantaro	1,363,337
Loĝdenso	558 loĝ./km²
Geografio
Koordinatoj	07°04′20″N 125°36′25″O (mapo)
Alto	22 mŜablono:Informkesto urbo/zorgado/numero
Areo	2.443,61 km²Ŝablono:Informkesto urbo/zorgado/numero
Horzono	UTC+8
Dabo (Filipinoj) DEC Situo de Dabo
Alia projekto
Vikimedia Komunejo Davao City [+]

Dabo estas la ĉefurbo de la filipina regiono Dabo kaj la fakta ĉefurbo de insulo Mindanao, kvankam tian titolon ĝi jure ne posedas. Panabo apartenas al urbaro de Dabo.

Kun areo de pli ol 2.400 km² ĝi estas la plej ampleksa urbo de la lando kaj unu el la plej ampleksaj de la mondo. Ĝi konsistas el 184 kvartaloj (baranggay). 40 el ili ne havas propran nomon, sed nur numeron (de 1 al 40).

Lingvoj

La lingvo precipe uzata estas la cebua, en kiu la urbo nomiĝas Dakbayan sa Dabaw. Oni uzas ankaŭ la tagalogan, la anglan kaj aliajn filipinajn lingvojn. La miksa lingvaĵo foje uzata, kiam parolantoj de la cebua kaj de la tagaloga interkomunikas, estas nomata bisalog ("bis" referencas al la familio de la bisajaj aŭ visajaj lingvoj).

Ĝemelecoj

Dabo oficiale havas ok ĝemelecojn kun aliaj urboj kaj unu urban amikecon. La ĝemelaj urboj estas:

• Keelung en Tajvano
• Koror en Palaŭo
• Manado en Indonezio
• Manilo en Filipinoj
• Nanning en Popola Respubliko Ĉinio
• Tacoma en Usono
• San Juan (Filipinoj) en Filipinoj
• Vladivostoko en Rusio

Urba amikeco ekzistas inter Dabo kaj Uijeongbu en Suda Koreio.