Seven
|
C'l artìcul chè 'l è scrit in
Miranduléś |
 Seven
| ||
| Seven | ||
 La Gwyneth Paltrow e Brad Pitt in na figùra dal film | ||
| Sèt 1995 | ||
|---|---|---|
| Regìa: David Fincher | ||
| Scritōr: Andrew Kevin Walker | ||
| Atōr: Morgan Freeman • Brad Pitt • Kevin Spacey Gwyneth Paltrow • R. Lee Ermey • John C. McGinley Daniel Zacapa • John Cassini • Michael Massee | ||
| Müsica: Howard Shore | ||
| Léngua: Ingléś | ||
| Dürä dal film: 122 minüt | ||
| Nasiōṅ: Stat Unî | ||
Seven (Sèt, dal vòlti scrit cuma Se7en) 'l è 'n thriller americàn dal 1995 ad David Fincher ch'l è stâ numinâ a i Prèmi Òscar p'r al muntàǵ fat méj sénsa però vìnsar.
Custâ trénta-tri migliòṅ ad dòlar, al 'n à pò purtâ a cà tarśènt-vintsèt.
Sunt
A 'l detective William Somerset (Morgan Freeman) a gh cala na stmana prima 'd andàr in pensiòṅ. La pulisìa la 'l mét a lauràr insém a David Mills (Brad Pitt), un śōvan c'n un caràtar impulsìṿ ch'al gh'à da far-'s i òs. A 'l inìsi i dū i n s tōśan mia tant bèṅ ma a gh'è da mét'r-ag na préda insìma e in présia parchè i gh'aṅ da 'ndàr a indagàr su 'n caś 'd umisìdi 'd un budlòṅ (Bob Mack) ch'l è stâ fat murìr a fòrsa 'd ingusàr-'l in fiṅ tant ch'a gh'è sćiupâ 'l stómag.
Al dè dòp 'l avucàt Eli Gould (Gene Borkan), cgnusû p'r èsar stâ 'n difensōr sfegatâ ad criminài e trufadōr ad tut i gènar, al vèṅ catâ mòrt e fat a pès. In sal pavimènt a gh'è na scrita fata c'n al sangṿ stés dla vitma: Piuciarìa.
Fra i dū masamènt in un prim mumènt a n pâr minga ch'i gh sìan di ligàm ma pò Somerset al và a védar méj in cà dal ciciòṅ e vrénd al sò frigo a gh cata scrit dèntar: Inśgurdìśia. Adès 'l è tut ciàr: in gir a gh'è 'n sasèṅ seriàł ch'al vōl punìr i pcadōr faghénd-ag pagàr câr i śbali lōr, masànd a la manéra di sèt pcâ di visi capitài.
In cal méntar la śōvna mujér ad David, la Tracy (Gwyneth Paltrow), l'invìda a séna William par far-ag far la paś. Guardànd al foto dal masamènt d'l avucàt a s véd sò mujér cun di sérć rós intór'n a i òć cuma s'al sasèṅ 'l is vlû dir che lē l'iva vdû quèl 'd impurtànt e difàti la dóna la fà a mènt ch'òṅ di sò quàd'r astràt 'l è tacâ a 'l mur a 'l cuntràri. Analiśànd al didàdi ch' i gh'èṅ insìma a s riva a 'n spaciadōr ad dròga ciamâ Victor (Michael Reid MacKay). Al sò cadàvar 'l è a lèt da di méś tut marsî cuma se lò al n vlis far gnint tut al dè. Al mesàǵ ch'i càtan là 'l è ciàr: Lòrgna.
Somerset al próa a far-as dar di nóm dla gint ch'l iva tòlt in prèst di lìbar ch'i dascurìvan di sèt visi capitài e dgl'òpri su 'l Paradìś, su 'l Infèran e su 'l Purgatòri. A salta fóra un sèrt John Doe (Kevin Spacey) ma in cà sua a n gh'è ninsòṅ. Tut 'd un trat a riva òṅ ch'al próa a masàr Somerset e Mills ma al n gh la cava mia. Al pulisiòt śōvan al gh cur adrē e al và in a risć ad bcar-as un cōlp ad pistòla a 'l pōls dla tèsta ma a 'l ùltim al tisi misterióś 'l al lasa in vita. A murìr i èṅ invéci na putàna (Cat Mueller) par la Lusùria e na mudèla ch'la tgniva tròp adrē a la sò belésa (Heidi Schanz), dònca l'éra tròp Pîna 'd sè. Piutòst ch'armàgnar cun la sò fàcia tuta dasfurmàda par cólpa dal sasèṅ, lē la decìd ad tōr-as la vita da par lē mandànd śò dal madśìni che pròpria lò al gh'iva śibî.
Par srar al sérć i gh càlan sōl dū visi: l'Invìdia e l'Arlìa.