Vedìsimu

U vedìsimu, ò religione di u Vedà, hè l'aspettu u più anticu attestatu di e forme religiose di l'India. I testi vedichi sò una testimonianza arcaica di l'induisimu.

A religione vedica hè quella chi l'invasori ariani hannu purtata in Punjab fra -2000 è -1500. Hè un fondu chjamatu "indo-iranianu" : si trova in le forme religiosi anteriori à a riforma di Zaratustrà è hè simile à e pratiche di l'India di issi tempi. Hè caratterizatu da a credenza in certe nozioni fundamentali (ierarchia divina precisa, cultu di u focu, sacrifici...). Sta religione indo-iraniana, chi era solu una tapa, era fatta da una reta di credenze assai cumplesse (naturaliste, rituali, suciali). Avìanu sfarente funzioni : religiosa da sicuru, ma dinò sacerdutale, ghjuridica, tempurale è ecunomica.

Ma à u cuntattu d'elementi lucali, ò seguitendu una evoluziona interna rapida, e forme antiche si sò arrichite ò alterate.