Tim Berners-Lee

Sir Timothy John "Tim" Berners-Lee, KBE (TimBL sanga TBL) (sorang i London, Inggris, 8 Juni 1955) ima panomu World Wide Web dot katua World Wide Web Consortium, na mangatur parkombanganna.

Taon 1980, atia manjadi kontraktor bebas i CERN, Berners-Lee mangajuon sada proyek na marbasiskon konsep hiperteks (hypertext) tu mamfasilitasi pambagian dot pambaharuan informasi i antara peneliti. Dohot bantyan ni Robert Cailliau ia mambaen sistem prototipe margorar Enquire.

Sidung maninggalkon CERN get karejo i John Poole's Image Computer Systems Ltd, ia mulak taon 1984 manjadi sada dongan paneliti. Ia manggunaon ide na sarupo na madung ipake ia i Enquire tu namambaen World Wide Web, idia ia mandesain dot mambangun browser na parjolo (margorar WorldWideWeb dot ikombangkon i NeXTSTEP) dot server web parjolo na margorar httpd.

Situs web parjolo na ibaeb Berners-Lee (dot arani i ia juo marupaon situs web parjolo) maralamat i http://info.cern.ch/ dot imasukkon online tu parjolo sanoli i 6 Agustus 1991.

Taon 1994, Berners-Lee pajongjong World Wide Web Consortium (W3C) i Massachusetts Institute of Technology.

Sampe saonnari, Berners-Lee lek natotop toruk roana dot inda get manjuak anso mandapatkon gorar. Bahat naso binoto abetengan kario ni bayo on, World Wide Web.

Salah sada kontribusi targodangnia i mamajuon World Wide Web ima dohot inda mamatenkonna mambaen bisa dope ipake sacara bebas.

I 16 Juli 2004 dia ilehen gorar kahormatan KBE tingon Ratu Elizabeth II arani panghormatan tu jasa-jasania.

Pautan ruar

Sumberna