Yezhoù dalmatek
Un is-skourr eus ar yezhoù indezeuropek eo ar yezhoù dalmatek pe ilirek-romanek komzet gwechall e Dalmatia, Kroatia. Kar ez int d'ar roumaneg:
| mammenn | emdroet da | Latin | Veilhoteg | Roumaneg | Italianeg | Brezhoneg |
|---|---|---|---|---|---|---|
| /kt/ | /pt/ | octo | guapto | opt | otto | eizh |
| /gn/ | /mn/ | cognatus | comnut | cumnat | cognato | kar |
| /ks/ | /ps/ | coxa | copsa | coapsa | coscia | lez |
Hervez ar yezhour kroatek Žarko Muljačić e oa teir yezh pennañ:
- ar yadertineg (komzet en-dro da Zara / Zadar)
- ar ragusaeg (komzet e Ragusa / Dubrovnik)
- hag al labeateg (komzet en-dro da Cattaro / Kotor)
Pa 'z eas da get ar yezhoù dalmatek el lodenn vrasañ eus o zakad istorel er grennamzer, ne chomas nemet div rannyezh, hini kêr Ragusa (kroateg: Dubrovnik) hag hini enez Veglia (kroateg: Krk).
Ar ragusaeg a chome en implij betek fin ar XVIvet kantved, hag ar veilhoteg betek an XIXvet kantved.
Levrlennadur
[kemmañ | kemmañ ar vammenn]- Žarko Muljacić: Das Dalmatische. Studien zu einer untergegangenen Sprache. (=Quellen und Beiträge zur kroatischen Kulturgeschichte. 10). Köln 2000. ISBN 3-412-09300-9 (en alamaneg)