Taveeg

Taveeg
Taveeg gwelet diouzh Perroz-Gireg.
Anv gallek	Île Tomé
Geografiezh
Lec'hiadur	Mor Breizh (Meurvor Atlantel)
Daveennoù lec'hiañ	48° 50′ 08″ N, 3° 24′ 25″ K
Gorread	0,35 km²
Lein uhelañ	64 m
Geologiezh	Enez kevandirel
Melestradurezh
Bro	Breizh
Bro hengounel	Bro-Dreger
Departamant	Aodoù-an-Arvor
Kumunioù	Perroz-Gireg
Poblañs
Poblañs	0 ann.
Titouroù all
Dizoloadenn	Ragistor
Gwerzhid-eur	UTC+1
kemmañ

Taveeg a zo un enezenn hir (1 200 m), moan (keidenn 200 m), ha serzh (64 m), troet norzh-su, tost da aod Perroz-Gireg. 35 ha eo gorread an enez^[1].

Didud abaoe ar bloavezhioù 1920 eo ha perc’hennet eo gant Mirerezh an Arvor (Conservatoire du littoral) abaoe 1997^[2].

Gwechall e oa ur menaj ha gwelet a reer c’hoazh e vogerioù e norzh an enez.

An anv

E galleg e vez graet Île Tomé pe Tomé hepmuiken eus Taveeg.

War ar c'hartennoù kozh e weler e veze graet ’t Groen Eijlant (an enez c'hlas) anezhi e nederlandeg^{(Daveoù a vank)}.

Douarouriezh

Greunit roz brudet Perroz (maen ruz) gant gwazhennoù niverus dolerit ha mikrodiorit.

Loened

Er bloaz 2002 eo bet diouennet ar razhed a nere eno (600 loen dinodet), ar pezh a zo bet un dra vat evit an evned^[2]: daougementet pe dric’hementet eo bet o niver, ha bremañ ez eus noueliged bras (Charadrius hiaticula) o neizhiañ. Un dra vat eo bet ivez evit ar minelled al liorzhoù (Crocidura suaveolens), na gaver e Breizh nemet war an inizi — pe, a-hend-all, er gevred —, ha lieskementet eo bet o niver dre zek. Hag un dra vat eo bet ivez evit an anuzed-dall (Anguis fragillis), anezho glazarded dibav.

Evned

Dre ma n’emañ ket pell eus ar Jentilez e kav d’ar skiantourien e teuy evned all da neizhiañ a-raok pell, an tort boutin (Puffinus puffinus) paneveken (ur c’houblad a oa e 1981), un evn ral koulz e Breizh hag er bed.

An evned all^[2]

noueliged bras (1 c'houblad e 2003)
tadorned roueel (9 c'houblad e 2003) (5 e 2002)
morbiged (15)
houidi korz (3)
Sidaned aod (33)
Sidaned prad (4)
Laouenaniged (118)
Gwrac'higed an drez (30)
Strakiged lann (12)
Lineged ruz (16)
Mouilc'hi du (12)
Marc'hvrini (1)
Brini du (1)

Lennegezh

E-pad fin e vuhez e dremene Ernest Renan an hañvezh e-tal Taveeg ; komz a rae ouzhi evel "ul leviathan mor".

E 1913 e embannas Anatol ar Braz un danevell o kontañ ur bourmenadenn war an enez^[3].

Daveoù

↑ (fr) Atlas du patrimoine microinsulaire breton, Conservatoire du Littoral, 2012.
↑ ^2,0 ^2,1 ha^2,2 (fr) Protocole d'éradication du rat surmulot sur l'île de Tomé, Denis Bredin, Louis Dutouquet, Espaces naturels, n°8, 2004.
↑ (fr) Contes du soleil et de la brume, Anatole Le Braz, Delagrave, 1913, pajennoù 61-91.

Porched Breizh – Adkavit pennadoù ha rummadoù Wikipedia a denn da Vreizh.

[1] (fr) Atlas du patrimoine microinsulaire breton, Conservatoire du Littoral, 2012.

[:0-2] 2,0 ^2,1 ha^2,2 (fr) Protocole d'éradication du rat surmulot sur l'île de Tomé, Denis Bredin, Louis Dutouquet, Espaces naturels, n°8, 2004.

[3] (fr) Contes du soleil et de la brume, Anatole Le Braz, Delagrave, 1913, pajennoù 61-91.

[1]

[2]

[3]