Milafranga

Milafranga
Iliz Sant Bartolome (XVII^vet kantved)

Anv okitaneg	Vièlafranca
Anv gallek (ofisiel)	Villefranque
Bro	Lapurdi
Melestradurezh
Stad	Frañs
Rannvro	Akitania-Nevez
Departamant	Pireneoù-Atlantel
Arondisamant	Baiona
Kanton	Hiriburu
Kod kumun	64558
Kod post	64990
Maer Amzer gefridi	Robert Dufourcq 2014-2020
Etrekumuniezh	Communauté de communes Nive-Adour
Lec'hienn web	www.villefranque.fr
Poblañsouriezh
Poblañs	2 836 ann. (2020)^[1]
Stankter	165 ann./km²
Douaroniezh
Daveennoù lec'hiañ	43°26′18″N 1°27′5″W
Uhelderioù	bihanañ 0 m — brasañ 131 m
Gorread	17,17 km²
kemmañ

Milafranga (Vièlafranca pe Vilafranca en okitaneg; Villefranque e galleg hag ent-ofisiel) zo ur gumun eus Lapurdi, e kanton Hiriburu, en Iparralde Euskal Herria, treuzet gant ar stêr Errobi.

Kumunioù amezek

En hanternoz emañ Baiona, er c'huzh-heol Basusarri, er c'hreisteiz Uztaritze ha Jatsu, er sav-heol Hiriburu ha Mugerre.

Istor

Saint-Martin-de-Basters e oa anv kozh al lec'h e galleg, hag ur salvetat en eskopti Baiona e oa en XI^vet kantved. D'ar 24 a viz Eost 1343, da goulz fest ar gêriadenn, e c'hourc'hemennas maer Baiona stagañ pemp denjentil eus Lapurdi ouzh pilerioù pont Proudines, e traoñ kastell Miotz, ma voent beuzet gant al lanv. Meneget eo ar vojenn gant Taine en e levr Voyage aux Pyrénées, skeudennaouet gant Gustave Doré.

Ur pennadig e voe kendeuzet gant Hiriburu, hag adanvet Tricolore e-pad an Dispac'h gall (1794-1795).

Emgannoù a voe en amzer Napoleon entre soudarded ar jeneral saoz Wellington ha re ar jeneral gall Soult a ziwalle an hent e Milafranga rak ar Saozon a oa o klask mont betek Baiona, ha dekmiliadoù a soudarded a voe oc'h en em gannañ.

Ar soudarded saoz (Spagnoled ha Portugaliz a oa ivez) a savas ur pont war an Errobo, d'o rejimantoù da dreuziñ. E Milafranga, d'an 9 a viz Kerzu 1813 e voe trec'h ar Saozon, dindan ar jeneral Hill, war arme c'hall Drouet d'Erlon. Goude e voent trec'h adarre en Hiriburu.