Mubil pekap
Mubil pekap atawa mubil pikap (bahasa Inggris: Pickup truck) adalah kandaraan trak hampul nang baisi kabin tatutup wan bak tabuka dibalakang hagan mambawa barang bawaan atawa kargo.[1] Kandaraan ni rancaknya dipakai hagan kaparluan kumersial atawa niaga wan dipakai hagan gawian-gawian nang mamarluaakan antarjamput barang atawa muatan.
Tipe-tipe mubil pekap
[babak | babak asal-mulanya]Kabin Tunggal (Single Cabin)
[babak | babak asal-mulanya]
Mubil pekap kabin tunggal (Pickup Single Cabin) adalah tipe mubil pekap nang baisi sabuting kabin di muka hagan mambawa dua panumpang haja tarmasuk supir. Mubil pekap mudil ni rancak dikalasnya di bawah kabin ganda (Double Cabin), baisi toris mesin (CC) halus kurang labih (1.3-2.0 cc), rancak kada baisi 4x4 wan biasanya baminyak bensin, ada jua babarapa parian kabin tunggal nang baminyak sular, nang kaya pruduk merek Isuzu atawa Daihatsu, Toyota Hilux jua baisi duwa parian hagan tipe ni, nanitu nang baminyak bensin wan sular
Kabin Ganda (Double Cabin)
[babak | babak asal-mulanya]
Mubil pekap kabin ganda (Pickup Double Cabin) adalah tipe mubil pekap nang baisi duwa kabin di muka wan kawa mambawa 3-4 panumpang tarmasuk supir. Mubil pekap mudil ni rancak dilangkapi lawan torsi mesin (CC) ganal kurang labih (2,5cc kaatas), rancak baisi 4x4, wan baminyak sular. kalas kabin gana ni harganya di atas nang kabin tunggal wan kada hanya dipakai hagan kaparluan kumersial haja, tatapi jua dipakai ulih kapulisian, pamadam kabakaran, wan instansi-instansi lainnya karana kaharatannya kawa malibas medan barat (off road). Tatapi, mubil pikap tipe ganda kada bisi ruang bawaan saluas mubil pekap tunggal karana sapalihnya dipakai hagan kabin panumpang. Merek mubil pekap tipe ni biasanya nang kaya Ford Ranger, Toyota Hilux (tipe kabin ganda), Mistubishi Strada, Nissan Navara, Isuzu D-Max, wan lain-lain.